ضحكتك وين ذيج التاخذ الروح
وترافت جفك ويه املاكَه الاحباب
وخزرتك والهدوء وكل معانيك
ينشدني عليك ولزمن الباب
جفنّت الشعر من مات الاحساس
وكَمت بالنوح اهد من اسمع ايهاب
عن عباس انشد يالمواليد
وانه بجرف الصخر زفيت جم شاب
تعال اكتب نهر وارسم عليه جود
ولاترسم كَبر وتحاضن اتراب
تعال ارجع وفصل جفن للموت
يرد ملكَاك شاب لكل كَلب شاب
يشهكَه برية المحتام لحسين
جفاك طفوف بيه وخيام عطاب
بعدها ام الخدر محتاجه خوان
يخوة زينب السجاد ماطاب
اجت دعوة حضورك عرس جسام
جفيت وحنّته ضلت والشمع ذاب
اشلون اتعوف زينب ذمتك هاي
وتتركها بحزن مابين الاجناب
اعرفنك شهم يالبيك عباس
يل بشمرتك حيدر شالع الباب
اجيس اجفاك وارجف وانتفض بيك
صعب ملكَه الابعاد وهمه غياب
