اليودك كون من تعله علي اوياك
وحملك لوثكل ذبه علي اوياك
اخوي الطاح من كتله علي اوياك
التفتلي وكال شلك غرض بيه..
اليودك كون من تعله علي اوياك
وحملك لوثكل ذبه علي اوياك
اخوي الطاح من كتله علي اوياك
التفتلي وكال شلك غرض بيه..
آنه أطرب عله الون مشتهي نواع
دخت والدنية وكَفـت مشتهي نواع
عله الظيم اللـــــفاني مشتهي نواع
لطم وي وركَص وي هوسات بيه
ودعتك بعد ماعندي رجعه وياك
ونساهه السوالف ذيج ولظحكه
ظلن بس آلم حسرات تالي الليل
حته احلام ليلي وياك محتركه
نواعي اكبور منك ظلت اوياي
بين المبكره ماتسمع الصفكه
من أولك لاخرك .. ماخذ اثر عيني
يومية اجيك بحلم .. والليل يخطيني
لولاك ريحة ضوة .. ما شمت اسنيني
مرتين اجر النفس .. بس مايكفيني
من تمد جفك تمد وردة سلام
والفراش بلا وجل يتقصده
بس عجيبه النده بجفك ما يطيح
لا..اكيد الصوج لازم بلنده
متغيــــر عليــّه اليـــوم اشـــو جاي
ـــــــــ وأمدحك والمــدح شــو .. مس تعده
وﮔـــبل سيفــك الدافــع عني هواي
ـــــــــ اشعجب عالرﮔبه هسه .. مس تعده
برغــم كل هذا ابد مــا أفشلك وياي
ـــــــــ إلـــك تعـتــــذر روحــــي .. مستعده
وإذا ﮔلبك صخــــر ما يكتـفي بهاي
ـــــــــ رﮔـــبــي ويـــــــاك تــتــعـاون علـّـيه
اذابيتي نهدم وساؤه بالكاع
يرد احسن بناء بشيش تسليح
لجن بيت الصداقه شلون لوطاح
بعد لاسمح الله يصير تصليح
عليه بليل حسنك شن حرب جيش
واحد؟عشره احارب؟شن حرب جيش
اذا كل نضره منك شن حرب جيش
بكد حرب البسوس اغراء اليه
منو الشاورلك انت ورايد اتروح
صحبتة وياك لركبة ترة الذيب
علة الجافونة ما تسو الحرامات
خسارت فاتحة ابيت المعازيب
الليل شيخلصه اذا مابي تماس
النوم مابي لذه لو مابي نعاس
واني ذني اثنينهن عنهن بعيد
لاءن انت بعيد ما يهدالي راس