خلصوا ربعي مابين السفر والموت
جانه اجنازتي ياهو اليودعهه. .
خلصوا ربعي مابين السفر والموت
جانه اجنازتي ياهو اليودعهه. .
ابوطنة الضحكة شردت من الحلوگ
والعيدية دوم مزاعله الإيد
يجينه العيد چان ومامش اهدوم
هسه اهدوم عدنه ومايجي العيد
ما كلك نسيتك جذب ما أنساك
وإذا أنساك أبدل كلبي تبديل
عساك انت بسعاده وروح الله وياك
قابل راح أكلك عفيه لتشيل
شجـــــابك للـــــــذهـب يالأصــلك اتـراب
وجريمه اعله الشعر لو إسمــــك انجـــاب
مو كل طيـــــــر لازم أسمـــــه مهيــــوب
واعرفك مو صـگر من صـــــــوتك اغــــراب
أنـصـــــــح كــــل ورق ليـلامــــس النـار
لان تاليتـــــه كلــــــه ايصيــــر عــطــاب
خذت حسرة اعلى عمري بكَد صفنتي علـيك
وبجيــت بدمـــع اســــود يشـــبة ايــــــامي
ميســـويهة كَـــلبي ومــن صـــدك ينساك ؟
حتى اكَـــطع واعــــوفك واطـــرد أوهـــــامي
والـــزم كل صــــورنه . وشـــعري . والصفنات
وســهر ليلي . ودمعــتي . وحـزني . وألامي
سبعــتهن وراك اشـــمرهن مـــــن تـــــروح
واهـــدم صنم حبــــك وأعلــن انسحـــــابي
اليــراهني عشت بالدنيا فرحان
وعلى وجهي الفرح منحوت
انا افرح نعــم بس المن ؟ وليش ؟
مثل ضحكة كبر لو شاف تابوت
ابراحتك ازعل بعد ميهم رضاك
خفتن والماشفتهه بعيني
رتك تحن صدفه مو ليه الصباك
ابعدي جا كلت النده يجويني
...........
وصفــج يسكر ظهور الدواوين
وخلكج يسع دنيا بمحتواها
ما ادري شلون يبقى يعايش الناس
اليفك عينه على امــه وما لكاه ..
امي عدال دنيا تكفي وتزود
دنيــا بلايا ام من امداه ..
قفص لتشوفه التائثر بل حمام
حگه من يبعد اذا ترد للصدك
شمفتهم منك ومن هذا الغرام
خل نجرب بلكت الله ونفترك
كعدتك عالجسر محتاجه دستور
وصفنتك هاي تكفر بالقوانين
يالمفروض تكسر ضلك ارواح
مو تاخذ فياي من الكراتين
هيج وما بقالك فقط ميزان
شعجب دنياك جفت ماكو ليعين
يالمرجف البيارق ساكت شبيك
مكانك ذاك بصدور الدواوين
تجاعيدك هموم مكحله ب آآه
يبو جف اللوه ذراع البساتين
يالمفصل كرامه وكصتك فيض
تباً للزمن خلاك مسكين
