عليك بخت صاحب حلقتك لاتروح
بعدنه وداعتك على العشك والله زغار
كون الماخذك ماعرفه حتى انســـاك
بس المشكلــــه واحد من اهل الدار
عليك بخت صاحب حلقتك لاتروح
بعدنه وداعتك على العشك والله زغار
كون الماخذك ماعرفه حتى انســـاك
بس المشكلــــه واحد من اهل الدار
صدك تقبل حبيبي لغيري هسه تصير؟
وصدك مليت مني وبعد متحبني
وصدك هانت عليك سنينه الحلوات
وما هانت عليك شلون تتركني
شجاك تغيرت وبكَلبك انته شصار؟؟...
جنت تموت بية وجنت تعبدني
وجنت اتنفسك وانته الهوه بدنياي
وجنت لو تبتعد لحظات .. تخنكَني
معقولة الورد ينكر جميل الماي؟؟
وانته بهالسهولة تنازلت عني؟؟
ما أنكر مقصر إجت فترة وياك
لكن مو بدية الوكت يجبرني
شفت يمك نفط وبين اديك الماي
وأني بناري اشتعل ردتك تخلصني
لكَيتك بالعكس مايَك شمرته ابعيد
وجبت النفط بيدك حته تحركَني
شسولفلك بعد؟ طعم السوالف راح
ردت منك توافي وخيبت ظني
أدري الوكت هو الخله كَلبك هيج
وادري الانانيه الباكَتك مني
وقبل لا تبتعد عندي سؤال ارجوك
فكر وية روحك عود و جاوبني :
باجر لو متت وتشوفني بتابوت
هم تبجي علية وبعد تذكرني؟
عمت عين الوكت....ما يدري بينا احباب!!
فرقنا بجدارة ...ومن غدر ابــــــدع
ذكرى الباقي منك ...وانكَضت الايام
طفت شمعتنا لكن ..ما نست تدمع
من يوم الرحت... والكَلب ظل مهجور
بيت وغابو أهله .. هم تظن ينفع؟؟
تيهت دربي وتهت لمن شفت شامتك
ولا تبتعد ياولف يفرح ولك شامتك
شامات على الخد شفت بس باصدر شامه تك
صورك رب العرش وبيك الحسن دكه الك
وسواك مثل الكمر وبلحنج حط دكه الك
ومن يدك كلبي اعتقد دكه اللي ودكه الك
يلي بيك عطر الورد شكد طيبه ياشمتك
صعد عندي الحنين اليوم فد نوب ..وصار الشوك فول وانته ناسيني
اذا ما جيت صدك ينفجر عداد:" كلبي وية روحي وحتى شراييني"
انه اكتب شعر شاعر خلقني الله
والـماعنده ذوق يـروح مـن يـمي
اترجم ما اشاهد واحجي واقع حال
اعله هم ناس نوبه ومره عن همي
انـت شـبيك تـاخذهـن عليك ثـكـال
مـو يمـك تـرانـه شبيـك متـحـمـي
يـمـعـود دبـطـل كافي مـا مـليـت
هـسه اتورطت من كتـلك بـاسمي
انه اعلى الخشب من اكتب الابيات
وانـحتـهـن تـرافه وذوق مـن دمـي
شكرا من بعد نورك اكيدالمشاركة الأصلية كتبت بواسطة فقار الكرخي
مثل حال السمج كضيتها وياك
تاكلني وراها اتصيح زفرني
فدوه الخاطر العافوك بيه أهتم
نسيت ايام بعدك والجرح سلهم
موقصدي اني ابوكك حقي من تعود
وما قاصد بحجي وياك كلمة ذم
العفتني ورحت الهم امس مو باعوك ؟؟
وانه النشف دموع التصبهن دم
خشنه وجوهم وأنته أترف من الماي
المثلي يلوكلك من الحرير انعم
عشت...كلش حلو
