مثل كَلبي اعتقد ظنيت كـــــل الناس
احب الناس كلها وكـــــــــــلها اداريها
اثاري اني غشيم وكَلبي غــــــــلطان
لذلك مااعيد الغــــــــــــــــلطة وثنيها
عديت حيل شكثر صحباني من عديت
وبلشده لمن طحت بس الاعذار الكيت
فزعولي كومة حجي وعافوني من هديت
جي راش الهم ورد بس ملح ما رشيت
كلي الناس ضايـج خيـرك شـبـيك
ساكت مااكلهم واحجي عن همي
ما يحتاج أسولف هو شي معروف
وين الكه الفرح والـغـالي مـو يمي
السچه مدري منين تبدي…؟
ومدري وين بيا نسيتك تنتهي؟.....
المهم راح امشي وحدي…..
بلكي اشوفن غير وادم ولتهي…..
أيــه يل مالك خلگ حته لضحكتيّ…...
عادي......
ظل....
براحتك….. لاتشتهــي!!!
اشتاكيت ياعزتي...
مو وكتج بهالليل...
سجة انه واتمددت...
واستاحش بلا ريل...
مشتاك والمشتهة...
شوك الغجر للركص...
مشتاكلك ياجرح...
لو طاب احس بنقص....
اضل اشتاكلك حد ما يجيني الموت
انه شايل خلك احفر نهر ببره
تره المشتاك ابد ماينحسب ع شوك
اذا ماتلكه شوك بروحه مال أسره
لو مشتاكلي بكدي لو بس لو
مامتحتاج شوك المهم بس فكره
اجاويد العشك انكله من اشتاك
وعلي انكل زليخه لمن أذكره
صعب كلش صعب ع اليعشك النظرات
و اني اعشك نظرتك و احلم بشوفك
احبك ..؟؟ لا قليله الكلمه هاي وياك
اني لخاطر محبتك احضن سيوفك
ردت كل يوم اشوفك .. بطل الغيبات
و مثل جنطة سفر علكني بجتوفك
محبتك نهر عندي و صرت الك سباح
يا نهر العشك نيمني بجروفك
والحمزه نسيتك والتهيت بغير
وبوساتي خذتهن من خدودك..
لو اسمي صرت ماأذكرك يوم
احس بيّه العدم يشبه وجودك..
بس ديَن برگبتك يبقى للموت
شعري الصار ابيض من زنودك!!
اللللللله عليكالمشاركة الأصلية كتبت بواسطة فقار الكرخي
