وينكم يا أهل الـسوالف ماتــجون
روحي يبست ماكو عدكم سالفه
بلكي بينا تمر ولو جمله {تعال}
مـن هـذاك الـعافـني وما عايفه
خيم بروحي الحزن وعيوني ليل
والأحلام اطـفال ظلـت خــايـفه
تنتظر جف المشي يجيبلها طيف
وغـير نار الـفركه أبــد ماشــايـفه
وهيج لوعندي بخت وأكعد وأشوف
ويـه الـسوالف جايـات شــفايفك
انطيني واهس بلكي بي تغمظلي عين
بالي متشتت متت يمته استقر
روحي مختنكه وعزه ابكلبي يقام
لمني خايب لا امل وأنفجر
مو راحة جسد لاهمني كثرة مال
كلشي حومر بيه وأتحول جمر
وحك الطاح .... وبضيجة .....رجة البيت
دمعي الما يهز شخصك .....رج البيت
نثايه وجان ميتهن....... رجل بيت
مثلهن صار لطم جفاك بيه
صدك بطران
من يتمركص الفنجان
مايدري الجمر شمسوي بالدله
هاي دموعي من فركاج…
تجري انهار اخليها…
واطشر حيلي ادور اعليچ…
بلكي اثارج الكيها…
ولا ملن درب ممشاج…
اتيه وبيه راح الكاج…
طول بطول…
روحي تشبكج ادريها…
شجابني انة لهيج عالم ؟!
جنت واحد منعزل ...
جانت تخبل سواديني وضحكتي ...
مدري ياهو القشمراني
وخضر براسي عقل !
يالنومك فراشه وكعدتك وردات
بس كلي الفراشه بنومه شتحلم
من يوم العرفتك ما شربت الماي
اشلون الماي اشربه وشفتك زمزم
يالخصرك قصيده وشاعرك مجنون
وكل ساعه قراهه بحجة المهتم
من شفت العسل وياك كلت اخوان
لان خذت الشبه بيناتكم عالدم
الشفايف مملكه ونحرسك ابوسات
وعله طول الشفايف بوس نتقسم ..
يوميه الصبح اسمع خبر موزين
...ويوميه العصر اسمع فجيعه
...عراق وكلك اسود حتى الاخبار
...الابيض بيك بس وجه المذيعه
يلي جارحني ترد مجروحلي ..
انت والحبيته فدوه تروحلي ..
والله اذلك لا ترد ؟
باجر يلوحك برد ؟
بحضني ما ادفيك ما مسموحلي ..
سمعو يالخنتو المحبه ثنينكم
الى احط حبي الجديد ابينكم
صاحبي وخلي الخذو من عندي لون
الليل باجر راح اشتله ابعينكم
جنتو يم راسي شكثر تتحسرون
وشهكه ماشمرلي يم اسنينكم
ابطيبتي الباكو عشك يتحلفون
وطيني ألاسمر مامغزر ابطينكم
