هنا

[فقار الكرخي]

معقولة انت اكلك
اكل هاي الناس
ونفس الماي تشرب منه من تشرب

گل لاهلك دخيلك
خلهم يضموك
انت الماكو منك خاف لا تخرب

ومن يكثر المثلك
خلهم يطلعوك
بلكي تضيع لمن بالشبه تنذب

مو لان عايفني هالميت وراك
انة روحي الشوفتك لتظن ترف
شغلة وحدة البيك خلتني اموت
لان خنت العشرة وي ناس العرف
يافشلتي اكبال شماتي من افوت
من امر بوحدي ماعندي ولــــــف
ماخذت بحجاية الكالو يخـــــــون
غرني حسنك والكلام شكد ترف

[فقار الكرخي]

وين يضم فشلته ....اليعشك من بعيد

[فقار الكرخي]

جنه بالايجار لمن مات ابوي
وانه واختي صغار رحنه نشيعه
نبجي بالتشيع ما نبجي اعله ابوي
نبجي عالايجار ياهو ال يدفعه

[فقار الكرخي]

مرات اختنك لمن يجيني الليل
افك شباج صمتك واوكف اتامل
صياد احس روحي والنهر وشل
اشوفك جاي ليه واركض اتخيل
اوصل للنهايه وابتدي من اول
اذا رفضت ضنوني جيتك عالبال
اغافلهن واكلك ماعليك اقبل

[فونة]

ما عفتك ابد لا وحك رب الكون
بس شفتك خنت شتريد اسويلك ؟؟؟!!!

[فقار الكرخي]

معقوله الزرعته يروح للبطران
هوا بزرعي يحصد وانا متمني
كومه ورود هاي ودور البستان
ليش الوردتي يفلان متعني

[فقار الكرخي]

ما عفتك ابد لا وحك رب الكون
بس شفتك خنت شتريد اسويلك ؟؟؟!!!

مرات اشتهي غيرك واظل محتار
افرفح وبركبتي تجلب الذمه
واحسبهة عدل والكاني ما معذور
من امد أيدي لزلف تفكيري مو يمه ..

[فقار الكرخي]

بعد مو ذاك الاول كلبي راح يموت
تعال اخذ الجروح الضامهن عندة
الجنت بيهن اكودك واعبر الشمات
بيهن كمت اكض خاصرتي واتعدة
واخافن تنسال هذا الوياك منين
كلهم هذا واحد كلب ما عندة

[زمرد الشمري]

حيييييييييييل صارلي شكد مشايفة المدونة شونكم

[زهر الربى]

ابحلك جرحي سوالف ضام اهواي
الك يلما وفيت اوياي بلعشره
جنت اقره المحنه ابيوم الاكيك
هسه الفاتحه امن الكاك كمت اقره
شيب راس جرحي امن اول افراك
وتخيل ابجرحي اخلافك شكبره
عفتني ابروح جاهل ناطر العيد
وبواهس يتامه امتانيه الفطره