حاجيت الحزن فـد مرة نــــــص الليل
كتله انطيني فرصة اوضاعـي اعدلها
كال اشلون اعوفك هـــذا مو معـقول
اذا انــــــي رضيـــــت الله ميقبلهـــا
حاجيت الحزن فـد مرة نــــــص الليل
كتله انطيني فرصة اوضاعـي اعدلها
كال اشلون اعوفك هـــذا مو معـقول
اذا انــــــي رضيـــــت الله ميقبلهـــا
ردلي بغيبتگ تعبتني الافگار
وماگلگ ذبت وصلت منيتي
تعال لشهگتگ صفناتي تشتاگ
اثر دخان هجرگ شگلي رئيتي
طفلة ولفاها الذيب والشط وراهـا ........ وترجت البلام ما عبراها
فقالت ...اهناء يهل البلام يلغيره ما بيـك ...... عبرني عن الذيب والله اليجازيك
قال ...صوتج يعمي بعيد وصياحج ونيـن ......لو بيهه نص دينار جاا ينسمع زين
فقال الذيب ...خليني اظل جوعان يهل البصيرة ....ولا مثل هالبلام ما عنده غيره
اكاسر بلهموم وطحت سكران
ضيم الله قوي ما ينشرب ساده
انه ابن الكصب والهور والخنياب...وانه ابن العرف الطير جيلاته
انه ابن التحزم يخدم الخطار ...ورغم العوز ضل يكتم بحساراته
انه ابن التبسم ماغندبه العوز ....ومعروفه لعند السلف وكفاته
تعال اخذ القهر من اعيون الزغار....من تبصر تشوف اوجوه تعبانه
تعبانه الوجوه وصحراه العوز ....الصبر ماينفع قفلو بيبانه
عرضنه ارواحنه ومحد شراه بسوك..اجانه العيد عدنه اطفال عريانه
جنت آنه ناسي الحزن هسه الحزن رد الي
ونسيت حته الاسم قهري ورجع رد الي
يا لاهي كلبي بلطف هسه بعجل رده الي
مو تشلعه بكل حقد بيدك تشمره شمر
مذبوح بيدك كلت مرلي وكلتلي شمر
متغير انته شعجب صاير بطبع الشمر
كابلني بارد خلك يضحك ولايمه
وآنه الجبتله العمر وصلته لي يمه
مثل عليه الحزن واهولاكربه ولا يمه
شغيرك عني ولك شنهي الحصل وش جره
ماتدري حقك دمع مني اشهمل وشجره
صرت آىنه غابت حزن شتله وهرش وشجره
ربيته بيدي ونكر ذلني ورجع رد الي
ما ادور فلـوس ولا ادور جاه
عنـدي اللمـه هذي تعادل الكـون
عنـدي اخوان رفعـت راس بالضـيج
او واحـدهم بـوكت الشـده مليــون
خسر كلمن بحيدر ماتمسك
يتضعضع ذل كيانه ماتمسك
انه اتحده جهنم ماتمسك
اذا حيدر يوقع بالهوية
يالساكن بكلبي وساد بيبانه
وغيرك مااشوف عيوني عميانه
أذا حبك حبيبي فاض بيك أهات
انه حبي جبل وهاج بركانه
وإذا روحك حبيبي مرعداه الشوك
روحي من الماطل حيل تعبانه
وإذا دمعك نهر بخدودك الحلوات
شلال الدموع أعيوني جريانه
وإذا تملك حبيبي مفاتيح أكلوب
الكلبي رقم سري وأنت عنوانه