اذا تلوح النجم اكرب الك بهواي
وكلبي لا تجيله وتوصل الحده
يا لجفك ذبح قلبي ودفنته ابليل
تريد بكل جسارة الميت تكعده
لا تفتح جرح بالكوه خيطناه
لو ينزف بعد متكلي شيضمده
لو حسيت جرحي صدكني هم تهون
جم لعنة غدر بحشاي متوسده
الشاعر من تجرحه ابيات ينزفها
جرح منك نزف ديوان وتعده
ضنيتك مطر واترجه منك فيض
ما ادري برصاص غيومك مرعدة
لجلك عفت اهلي وجميع الناس
وسيفك للاسف بضلوعي وعده
بابك منفتح للرايح وللجاي
وانت بكل صلافة بوجهي تسده
يالحبك رمل ودموعي ضاعن بيه
وبحرك من جمر نيران مشتده
لتحاول تجي انت البديت بهاي
ما ارجع بعد خلي الكلب يرتاح
مليت العشك والروحه والرده
المشاركة الأصلية كتبت بواسطة نبع الحياه
