والكلب مدري شجاه
كبل جنت اكدر عليه
الوي اذنه يخاف مني
هسه صرت امشي وراه
والكلب مدري شجاه
كبل جنت اكدر عليه
الوي اذنه يخاف مني
هسه صرت امشي وراه
اكو ابنادم ابراسه سوالف ابن شيوخ
واكو ابنادم ابحلكه سوالفه امعسره
واكو كلش ترف بس خشن وكت الضيج
واكو كلش خشن وبسالفه اتكسره
لبسوك الحلقه الله وياك روح
مبري ذمه وداعت الجاب الخبر
لجن بس رد جر اصبعي من السنون
رايد اشبك سيف ماضايك نحر
يمر طاري المحكمه وعلقبله انام
انت كاطع نفسي لو كاطع مهر
لان جفي يشد جروح بيروح
صرت وي المصايب روح بيروح
اخوي السمع ناس ادكول بيروح
لفاني وحط سبع جيلات بيه
وين تريد توصل ياجرح وياي
اطخلك راس؟ تحلم واخظع شحدي
مايحتاج كصبه من اعزف اعله الناي
بية احزان تطلع حته بالبردي
واكض غربيل اكلبه..وانخل الدخان
ويصفالي الهوا واشتمه من كدي
وافوت بزود جرحي معاند اكبر سيف
وانا بكيفي انتهي وبكيفي من ابدي
التهده ماعثر..بس يبقه اخير الناس
وحته الحك بعد ماامشي متهدي
بعدني اتذكرك من تحجي وياي
وعلى شفافك حلاوة ينكط الصوت
واكابر بالحجي وماكول مشتاك
بس تريد الصدك مشتاقلك مووت
يجي وكت العتب واتعاتب وياك
واخليهن بديك اذنوبك وياي
انا الشلتك جمر يحرك بلجفون
واضل خايف عليك يلوحك الماي
اثر سهم المضه المضه منك اداويه
واحظرلي مكان السهمك الجاي
اتلكه الحزن منك واهم بيه
ويا ملكه اليسرك مثل ملكاي
مثل صبير اموت من العطش موت
اشرب دمعتي وماخسرك الماي
تعبنه الوكت ماندري شمسوين
وصفت دنيتنه ظلمه وحيل سودة
كالو قفل واحد ينفتح وتهون
قفل ياباب نفتح وكلهه مسدودة
مو كلمن ضحكلك يعني معجب بيك
ومو كلمن يزعلك يعــــني ميــــحبك
اكو ضحكه غدر يعرفــــها بس الذيب
واكو ضحكه فرح تبجــــيها من گلبك
يلوموني اعله طبعي القاسي مـــرات
غشــمــة ومـا درو حقهم بــهايــــــة
غشــمة ومـادرو طبعي انـــــه مـحـار
فـرق مــابيـن شكـلي ومـحــــتـوايــة
ويلوموني اعلة طبعي اتكبـر هـــواي
وانـة بـية التـواضـع شــي مـثــــالـي
عـالي ومــا عـليت بـعيـــنـهـم غـيـر
هـم زغـار ويـشوفـني عــــــالــــــي