هنا

[فقار الكرخي]

جوعانين فرحه وضحكه مال اصغار
ترفه خدودنا الدمعات تجرحنا
بعدنا بكد غصن ماجايسه العصفور
واجت غربانهم وتريد تذبحنا
شما نخفي حزنا ونكتم العبرات
تطك دمعة كرامه وكوه تفضحنا
المئاسي ثيابنا شتعتقد جوه الثوب
الحزن يكتبنا جفا وجفا يمسحنا

[فقار الكرخي]

طبع بيه اسامح ياهو ليعيل
واشيل الدنيا كلهه وزعل ماأشيل
فرح صوغته واعراس ومحابس
شتكول انتراضه ونرجع احباب
اذا بقصةخصامك انت قانع
اجيك اني اعتذر ماعندي مانع
هاي اشبيك قابل ننقص احساس
عمت عين اليحب ومايطخ الراس..

[فقار الكرخي]

دنيا وطشرت مني الاماني ابطين
واركض من فشلتي واعثر بهمـــي
لان شيشه عطر جان العمر مضموم
ومن طشهه الدهر بان القهر عظمي
صحيح الضحكة وكحة محزمة بصبرين
بس غدر المصيبه من الظهر يرمــــي

[فقار الكرخي]

متت مثل النخل من صار فركاك....
خفت لا اطيح انه؟؟وتكبر الخيبه...
وكفت بلا ثمر بس رافع الراس....
فحل التوث بالبستان هيبه.....

[فقار الكرخي]

ماوكَفت بعينك عشرتي ويـــــــاك
ودعاء امي ودموعي وطبة القران
خلكَ تابوت شايل انت ويـــــــــاي
توصلني لحفرتي وترد فرحـــــــان
لاتقــــنعني ماعايش بالكَبــــــــور
الصلافة البيك ماشايلهة دفـــــان

[فقار الكرخي]

إذا رايـــــــــد تروح أتخيّل الموت
وأوشل ماي عيني بيوم تمشون
البشر لجـل العزيز إتشگ الثياب
وآنـــــــه لفرگتك شگيت العيون

[فقار الكرخي]

اااخ ياركضة ونيني لمشتهاك..
بجدم حافي...
وگاع حمره...
وصوت دافي...
ااالنااي يسكت من يمر طاري جفاك..… ..

[أغرد بهمس]

يصاحب لو لكيت الزين [وده]
وصير اوياه كلب بكلب[ وده]
اشكثر جاب الزمان اشكثر[ وده]
ولا مثلك يمر طيب عليه.

[فقار الكرخي]

عساهه ابخت گلبي بيوم حبه
اعمى وهوه دلاني اعله دربه
چانت دنيتي افراح
وانام الليل مرتاح
عشگته وهسه طبگت جفني صعبه!!

[فقار الكرخي]

يصاحب لو لكيت الزين [وده]
وصير اوياه كلب بكلب[ وده]
اشكثر جاب الزمان اشكثر[ وده]
ولا مثلك يمر طيب عليه.

عليه الوكت بس لوعات شدهن
وانا سود المصايب شفت شدهن
حرت بلسم شحط وبعد شدهن
اذا حتى الجرح مجروح بيه


منوره ورداية