الما يرتاحلي ما الومه معذور
ياخذ غيبتي وما اسال شكال
تره الما عنده عشرة ويه المراجيح
يتصورهن مشانق كل الحبال
بس الصام يعرف لذة العيد
الما جاسه العطش مو يمة الهلال
الما يرتاحلي ما الومه معذور
ياخذ غيبتي وما اسال شكال
تره الما عنده عشرة ويه المراجيح
يتصورهن مشانق كل الحبال
بس الصام يعرف لذة العيد
الما جاسه العطش مو يمة الهلال
اهدومي ولاجرح غطن
اشفافي ولاضحك سون
اعيوني اشمالهن يبچن
اشهگ واختنگ بالضن
وصار اهواي بس اصفن
اضن مشتاگ بس المن
اجدامي من السفر تعبن
احس خطواتي شو ثگلن
اي مشتاگ بس المن
هو چفچ
من أكظه هواي أحن ليام أبوي
چفچ هوايه حنين
من يمر مره إعله خدي
چني جاهل
چني جاهل گاعد بحظن أمه يلعب
ليش شوهتي جماله بحلقه تلمع
هيه مو كل لمعه حلوه
الجامه إذا كسروها تجرح
اذب دجله وراك الغبشه من تروح
صح ابيض وجه
بس گلبك اسود حيل ..
اسود من ليالي الواحد وتسعين ..
ومن تضحك تهيج وتبتهج هالناس
وانه الزارع ضحكتك بالگلب سجين ..
جبل صاير غرورك وانت مو طاووس
صيتك صيت ططوه شتنفع الجنحين ..
بديهيتي وفراسة عقلي والصدقان
بالاجماع كالوا غيرك موالف
تمنيتك تجي ولو شخص ثاني وياك
وبيدك كايده هم موقف اعتبره
صدك
ماصرت أبلاش انكسر ظهري اعليك
وگلت فدوه الظهر للما كسر خاطر
اخضر شاربك بعده و صرت حمال
شني شماله النده ما يعرف يعاشر
الناس من الملامح تعرف المضموم
والعاشك ابوجهه ايبين المشوار
شضم اسرار حبك وانه صرت بحال
ساكت والحجي يوصل السابع جار
شكرا جزيلا ع الالقاء المميز والرائع