هنا

[فقار الكرخي]

هذا عيد شمنتضر وتعايده
حار كلبي ولهفتك شو بارده
........من سلامك بينت وجهك ثكيل
........واني وجهي الخاطرك شبعان ليل
الناس تتشابك وروحي امعانده
كون بس وياك تحلم رايده
حار كلبي ولهفتك شو بارده

[فونة]

[فقار الكرخي]

أنهم أصدقائي ولا أستطيع النضر اليهم
صورة تُبكي الحجر

نورتيني فونه

[فقار الكرخي]

اختنكت احروف القصايد.. با لسؤال. الفركه ظيم
وفرفحت روحي اعله شوفك
كافي يمعود تعال
اسنيني ذبلت با لسؤالف
ماهداك الله تجي ..الدنيه ظلمه
ومشتهيك بليله وحشه
مشتهيك احجايه ترفه
مشتهيك بعينك اغفه
رموشك اتغطيني وادفه

[فقار الكرخي]

هيچ صــــــارت دنيه ماتهوه الفقير
واللي مايملك فلس مدري شيصير
…………………………………
هيچي صارت دنيه ماترحم ابد
والفقير البيهه بالشـــــارع گــــعد
أحنه عالمكتوب ما نعتب بــعد
بغير ابو الحستين بيمن نستجير

[فقار الكرخي]

حيره من توشل كصة
الوادم امروه..؟
وغيره ماترضه اعله
غيره..
ومن يفرفح صوت حره
ابديره ماتتسمه ديره..
حيره من يجيك العطش
غفله..
وانته عندك مثل عبدالله
عشيره..!؟

[فقار الكرخي]

اسولف عن هلي وكلكم تسمعون
شمس من ارد اسولف مايضل فياي
صدك بينه شاره تعدل الميتين
احنه المن كصصنه الغيم يشرب ماي...

[فقار الكرخي]

فلوسهم زلمه الخذوج
وسطرو احلامي بعرس
شكو اثياب العليج
وطلعوا كل الخضار
جفوفهم مابيهه رحمه
وانتي بت بيت واعرفج
ما تنومج كلمة متروسه صفار ...

[فونة]

ليش هيج اليوم كلها الاشعار حزينة
يمعود اليوم عيد ترة

[فقار الكرخي]

ليش هيج اليوم كلها الاشعار حزينة
يمعود اليوم عيد ترة

طاري العيد لحد يمي يحجي
من الموضوع هذا كلبي ورم
عظم الله اجرك لازم تكولين
العيد بلايه الغالي 10 محرم