هنا

[فقار الكرخي]

الما طاح لمن عثر تلكاه عنده ولف يكدر عليه ينتجي ..
العاشك المنجرح شتفيده شبكه صور لو ورقه بيه حجي ...
والعين من تختنك تلكاها حنت صدك خليها تشبع بجي ..

كون اموت ومايوصلولك خبر
حتى لادمعك يطيح وتنقهر
اصفن بقصتنا الماالها مصير
شما نحب منخلي للواقع اثر

نورتيني مرام

[فقار الكرخي]

ملـح حطـيتـلك حـتى بگـفـة الـماعـون
مـن گــد مـــا يـغـزر حـتـى مايـنــشال
تجي بطرگ العطش ترجـع بـجيـبك بيـر
ومن اعطش چنت تحچـيلي عالشلال
نـاذر لـو رحـت مـاذب سبـع حــــصـوات
لا والـخـالـقـك الـه اذب سـبـع جـبـال
.

[فقار الكرخي]

ماتجبر البدوي يشم هوه اولايات
يستانس هوه الصحره
صوره اعلى الكبر ااااي تنفع المدفون
لو مر العرف ع الفاتحه تجبره
اليريد يشوف خله يشوفه لو بالموت
اهي الغيمه اشبعده وتوصل الگطره
الماتارك ابعشه ازغار مايهتم
يحط اشما تصح شجره

[فقار الكرخي]

روحي ملت
بيه ضلت آخ وحده .
وجاي ادور ياهو يسوه نكله اخ !!

[فقار الكرخي]

اليحب وشوگه طاهر
خل يمد روحه نهر لحظان ولفه ولا يكابر
اليعيش بدون ولفه
صدفه لو شم الهوى ينحسب كافر
اليشوف وليف غيره بعين جوع ماا يجوز
و واجب وقطعآ يحاكم عمر عن لمس الضفاير
عشگ ظاهر
الشوگ من روحه يخضر سندباد
الملگه للخلان جن تحرير رگبه ويوم عيد
الجمع ولفين بحلال
يصير عد الله نبي
اليموت وما موالف
ينحسب يم الله موتت جاهلي#

[فقار الكرخي]

حلم فركاك ليش تحقق بساع
وحلم بي نلتقي مامر بالاحلام..
صفنت اباب بيتك صفنت اموات
صفنه شكد سوالف بيه الك ضام..

[فقار الكرخي]

بيك بس اسمك صدك
والباقي جذبه
كلبي حقه يطوف كلبك
شافه اسود ظنه كعبه

[فقار الكرخي]

ضيعت عمري بدرب
تاليتة حيرة..
مستحي من سنين عمري
أشما اباوع عالمراية
وجهي من الفشلة اديرة

[فقار الكرخي]

منين ادبر روح مقتنعه بحلقتج
وﻻ يخربط كلشي بيج
أنه صاحب ذوق ومصفط ضحكتج
وديربالج شعرج اتبوكه المخده
اني حاسبهه الضفاير ليل··ليل
ولو ذكرتيني اصبري
ولو ام ادميعه اعرفج
جنتي تبجين من اضحكج
حتى اذا ماصرتي اليه··انتي محسوبه عليه

[فقار الكرخي]

خي عونج عليه شلون
قبل ما نام افرشلج
واكتب عل مخدة اسمج
واكول بصفي لاتحجون
وانامن بالعرض مو طول
مكانج محد ايجيسه
انتي ابروحي مايحتاج ،
اشوفج واكفة وتمشين
الشفاف علي البديري