هنا

[فقار الكرخي]

°اذبـحتني ياظـالم بـسجين مـسموم°••°ماجـنب اضـن حـبك يـنتهي بـغدرك°•♥
ضـنيت حـبك وطـن من جـنت مـحروم♥•°تـاليها الـوطن انـهار من قـهرك°••
حـسبتك هـوى من اخـتنك بالـحسرات•♥طـلع حـسرة الـهوى وهـسة اني اتـحسرك♥
•°لك اني فـخر والـفخر مايـنعاف°••°واني مورقـم يـتباهى بـيصـفرك°••♥
كـتلي اني جـسر وكـت الـعوزة تـعبر بـي♥••°طـيحت كـلبي وشـبابي من عـبر جـسرك°••
شتضن ربـك يعوفك عل الـسويتة بالـروح•°♥لك ربـك يـضربك دوم مـنتظرك°♥
•°انـطيتك عـزتي وكـلشي ماعـزيت°••°ونـزلت عـزتي بـرماح هـجرك°•♥
ياوسـفة على عمري الـضيعتة ويـاك♥•وياوسفـة علىكـلبي الـدوم مـنتظرك••
خـذت روحـي بـفركتك وبـعد شـتريد•♥ومن تـرجع تـكلي جـنت اني اخـتبرك♥

[فقار الكرخي]

دخيلك لو ردت تنساني وتروح
انا اترجاك غفلة وياي سويهة***
اخذ كلشي التريدة وبعد لتعود
بس دموعي بالله عليك خليهة***
اخاف احزن صدك وبيوم ماالكاك
شكل للعين اذا شح الدمع بيهة***
اكلهة الراح اخذ مني الدمع وياه
تكلي اشعلني اذا راح اليضويهة***
ياكتال رروحي واحلى مابيك
من تولي علي الرحمة تلفيهة***
تحطني بنص جهنم واقتنع بيك
وتكلي النار جنة واقتنع بيهة***
ولك بس كلي احبك وكلي ماانساك
خلي اسكت الناس من تكثر محاجيهة***
واذا نيتك صدك تنساني وتروح
امشي عليك داحي الباب كافي الرروح تأذيهة***

[فقار الكرخي]

ابحلك جرحي سوالف ضام اهواي
الك يلما وفيت اوياي بلعشره
جنت اقره المحنه ابيوم الاكيك
هسه الفاتحه امن الكاك كمت اقره
شيب راس جرحي امن اول افراك
وتخيل ابجرحي اخلافك شكبره
عفتني ابروح جاهل ناطر العيد
وبواهس يتامه امتانيه الفطره
بجن صفناتي كلهن من حجو بيك
لأن طفله ابصفنتي وعايشه ابعبره
القياس ابضحكتك وياي شحيت
وانه امن الدمع مديتلك سهره
تمر حسباتي فقره وليلهه اطويل
ولف حسره التمر بحلوكهه الفقره
ياشبكت احساس استوحشك بليل
مثل وحشت الموته ابليل المكبره
ابعين اجروحي ابره افراكك وخيط
وعميه عيون جرحي شيلظم الابره
اكسرت خاطر الجان ابكلبك ازغير
بس خلكي الجبير اشرايك اتكسره
طحت ابشمس غيري ادور افياي
وانه العشت عمري الجيتك شجره

[فقار الكرخي]

انــــــه الطايح ودورلي يد العون
وعليه ازيــــاجهم كامو يد لعون
الجانو بسـمي كل ليله يد لعون
دعو من صباح الله عليـــــــــــه

[فقار الكرخي]

~~~وعون اشماله وي بخته يفرعون
~~~ازرعتهم طيب وبشـينه يفرعون
~~~الجانو بالشــــدد فزعه يفرعون
~~~ابشيل نســــوانهم ضاعو عليه

[فقار الكرخي]

من كدماأحبك شسمك أنت نسيت...
سميتك حبيبي وأسمك أنسيتــــه...
ياورده وعطر بكــــــــــل ورد موجود...
هنيالك يكلبــــــــــي شلون حبيته...
سألوني على حبك كلت أحبه هواي...
كالولي على حبــــــك شنهو تاليته...؟
كلتلهم أحبه وللنهايــــــــــه
وســــــــــاكن بالكلب والباب سديته

[فقار الكرخي]

حاجيته وكلتله أهوايه الك مشتاك
كال هوايه تحلم ...سده موضوعك
كتله شبيك ضايج مني شو مامرتاح
كال ارتاح لمن تنزل.........دموعك
مو صوجك ولك صوج الكلب حباك
...انسى ولا تضني استقبل ارجوعك
تريد اتشوف وجهي مدمع وخجلان
ولك والله لخلي النار ........بضلوعك
فرحان اني هس ومن عرفتك زين
راح انساك راح اطفيلك شموعك
ما تنزل دمعتي بس على الغالين
والغالين عندي مو مثل.....نوعك

[فقار الكرخي]

نعرف زين اصلك نعرف المطلوب
ولدروبك شعبنه موجد ويندل .....
تريد تعيد عفلق لجن لا والله
مانسمح عراق حسين يتبذهل
ولو تطلع براسك نخله والعباس
ما يرجع ويحكم حزبك المنحل

[فقار الكرخي]

يالناكع حسن شـــــــر البرود البيك
عله خيط الوكاحه وصير شــــــراني
شـيطانك امنعس فززه اعله الشوك
لا افزع عليك انوب شــــــــــيطاني
ابغرورك سـابي دنيه اتهده برحمان
وتواضع شـــــــــويه وصير عقلاني
قاريك ابكثر ماماشـــي الك خطوات
شــــــــمتاني الفرج وتكوم تقراني

[فقار الكرخي]

ست والله ست اسف ماقريت
وكل دمعة حزن اتطيح من عيني
ابوية بعبوه طكت انتهى ومات
وكتل امي القهر ياهو اليقريني؟