جمالك معجزة وخدين مو خدين
كلش ضاويات ونورهن يسطع
وهيه المعجزة بخدودك الحلوات
لأن أول گمر وية الشمس يطلع
جمالك معجزة وخدين مو خدين
كلش ضاويات ونورهن يسطع
وهيه المعجزة بخدودك الحلوات
لأن أول گمر وية الشمس يطلع
بس اوياك احسن روحي تريد
وغيرك ماشفت حته آنه اريدن
واگف عالمنصة ومن جبت طاريك
گمت لروحي اصفگ حتى اعيدن
چنت آنه اويه غيرك كلي اجروح
أتعنه المصايب والچم اجروحي
لكن منعرفتك گمت احب الروح
ومن گد ماأحبك گمت احب روحي
شاعر عاش عمره بحسرة العوز
وشاعر بالترف من عاش عمره
شوف انته الفرق مابين الاثنين
ياشاعر تحس من تقره شعره
بالحلم چن نهر دجلة بلايه ماي
ناشف ومرمية بي جثة قتيل
واسألت گالولي شارد للفرات
لأن شاف ابمايه ورقة اتگول شيل
أحب روحي گمت شعلية بالناس
خل اللي يگول ايگول اناني
چي غيرك بعد ما حبت الروح
أحب آني گمت چي احبك آني
أگول مزاعلك حته آنه اراضيك
لأن وكت الصلح تغفه ايدي بيدك
واگلك ما أريدك خاطر اتشوف
أحبك حته لمن ما أريدك
ماحب غيري أحد يمشي وياك
أغار اعليك حته من خيالي
كون اصعد واضمك فوگ النجوم
حته الناس جوه وإنته عالي
مدري شلون يبقة يعايش الناس
اليفك عينة علة امة ومالكاهة
امي عدال دنية تكفي وتزود
دنية بلاية ام من امداهة
خلص كلشي بديته وراح أنساك
وظن وياك ماضلت مــعاني
لو عشرة شمع عالكَلك تخون
وخنتني بلحضة الجايب تهاني
أنه بحسره أجرهه الألله لاينطيك
أنه بلوعات وأنته بحضن ثاني
يجي يوم وأشوفك تبجي وتنوح
ويجي يوم وتصير أنته بمكان