المشاركة الأصلية كتبت بواسطة فقار الكرخي
ترف من لونك غارن كل الخضر
ولشوفك من الدمع صارن زياكي خضر
مرات احشم النبي ومرات احشم الخضر
يجمع شملنا مع الشوك وهدم حيلي
وبعيني من هالبشر غيرو فلا حالي
بلا ماكتلني وهدم حيلي ولعب بحالي
غير النواعي الشكر اهل العيون الخضر
مالان عندك گلب يابوش تالينه
اسمع حجينه بعقل وافعال تالينه
وليه نذل لاتظن هيهات تالينه
والچان طايش كبل من شاف فعلك عكل
شكيت ثوب الشرف وتريد نلبس عكل
لو ناخذ بثارنه وبشرف نلبس عكل
لو نتبركع حيه ونسوان تالينه
انته عيديتك حظن بس يا حظن
حظن صار اسنين الك ما فارشه
مثل واحد ماتت امه بعرفات
وابصباح العيد ردت عايشه
منهو ظعيف البخت الكال منحبك
واحنا عطاشة ونروم الماي من حبك
واحنا الزراعنه كلبنا ورد من حبك
واصبح دليلي كطن بيه الليالي اندفن
وخل الجروح ينزفن ترن وندفن
وان جاك مرة خبر ان الحزين اندفن
اعلم باني متت يازين من حبك
يالتنشد اعله الكلب كلبي الهظم سله
وبجفاك حتى الورد سل وصبح سلـه
عكبك ولاني الوكت سيفه علّي سله
واكري مجاري الدمع بيـــــه اصبحت عاده
جية مريض طلبت منــــــك ولــــو عـــــاده
يالخذت منــــي العنــــــــب رد سلتي عاده
ميصير هم العنب هم تاخذ السله
شفتك بالصور مديت ايدي عليك
كلت بلكت الي من صورتك تطلع
وبقيت ابجي وانوحن واحجي وياك
واصيح بعالي صوتي وياك ماتسمع
شوكت طيفـــــــك يمـــــــــــر يا صاحبي والهبه
كل ساعه اجــــــر حسرتي من هالكلب والهبه
اوهبني خوتك صدك جــــــــرب العطه والهبه
ميصيـــــــر عكـــــــب التعـــــــب منــــــك دليلــــــــي فلس
يالفلست دنيتـــــــــــي وتتسلـــــــــــــــه بيهـــــــــــه فلس
صح اليعـــــــــــوز الفلس ما يســــــــــوه عدهـــــم فلس
لاجن العزه تضل والنخــــــوه بيــــــــه والهبه
هلال انته وغيابك صارله سنين
جا يمته حبيبي بشخصك تهل
وتدري الجرح مالك صعب ملكاه
وتلكيته وكلت من ريحت الخل
إرهابي ليش صاير مو أنت حباب
فجرت گلبي شبيك سويته عطاب