هنا

[فقار الكرخي]

شما خيط حدودك تنفتك موت
وهواك البيـ مكابر علنجف هب
خذت مني زلم تانتهم الحور
شباب وخلو الدفانه تنحب
مافرزنهم الدفان ياديــــــــــــــــن
مذهب يندفن يم غير مذهب
انا مدرس الوحده بفجر الاسلام
قبل لايجمع اولاده المهلب

[ضياء الصافي]

عاشت الايادي

[فقار الكرخي]

شمس الله شكبرهه وذالها الليل
تريد انه بغيابك ليلي ميذلني

[فقار الكرخي]

انه شاعر حزن مختص بالهمـوم
ومن هاي الاهموم محصل الصيت
اعجبك من اريد اتناول المـوت
اخلي المفرده تنكط توابيــت
وخلي البيت نفسه ايهزه معـناه
يشك زيجه اعله روحه ويلطم البيت
يسجدلي الدمع من احجي عل ضيم
وتصفكلي الجكاير والبواكيــت

[فقار الكرخي]

احبك واختلف حتى بسلامي وياك
ما تسال عليه شلوني مالوني
دشيل ايدك عليه وشوف ردي شلون
ماردلك سلام اشمرلك عيوني

[فقار الكرخي]

چان اليعوف أبلاد شايفهه صعبه
والغربه نص اوطان مو بره غربه
العايف دياره يعيش عايف عيونه
واليمه موت يبات يرضه بصخونه
عجبه وجديد اليوم صنطه إبلادي
والچاتل ومچتول صار إعتيادي
من فتحتهه العين ما شفت شوفه
جابتهه دنيه الضيم خوفه عله خوفه

[فقار الكرخي]

احس طعم السوالف من عسل وياك...
بـ السانك ترافه تجيب وتودي...
ويا اجمل حلم ما تصحه منه العين ..
ويا طاسة عسلً وگبالي متبدي..
بأوصافك شهد تنسه الشعر والناس..
ومتأكد شهد من حسنك اجدي ...

[فقار الكرخي]

امس جنطة سفر بجفوفي خليت
متعني ادور وانشد بلاد
فريت الدول تاليها مجبور
رجعت بلا ارادة وبست بغداد

[فقار الكرخي]

ماعطشان ابد للعشك لا والله
لكني اعطشت من جيت ترويني
أحن اللمستك والضحكتك اشتاك
واطير ويه النجم لمن تشاقيني
اوزن كل كلامي وخطوتي ويه الغير
و بس وياك تختل كل موازيني
أحتاجك دفو لو حته ويه الصيف
احتاجك حنان وحب تغطيني
ولو جوه الشمس والحر يموت الناس
انتضرك تجي بشمسك تدفيني
ياكل عطري انت وكل رياحيني
يــــا اطيب نبع بجفوفه يرويني
خليني اعله كلبك واغفه انته ونام
وخليني اعله رفك قلم خليني

[فقار الكرخي]

ﻻ ﻣﺒﻌﺪ ﻭﺍﻛﻮﻟﻦ ﺭﺣﺖ ﻭﺍﻧﺴﺎﻙ
ﻭﻻ ﻳﻤﻲ ﻭﺍﺣﻀﻨﻚ ﻭﺍﻛﻌﺪ ﻭﻳﺎﻙ
ﻭﻻ ﺍﻛﻮﻟﻦ ﻣﺴﺎﻓﺮ ﻭﺍﻧﻄﺮ ﺗﻌﻮﺩ
ﻭﻻ ﺣﺴﺒﺔ ﺣﻠﻢ ﻣﻦ ﻳﺨﻠﺺ ﺍﻟﻜﺎﻙ
ﻭﻻ ﺻﺪﻓﺔ ﺑﺪﺭﺏ ﻭﺗﻤﺸﻲ ﻭﺍﻻﻛﻴﻚ
ﻭﺍﺷﺒﻊ ﺷﻮﻑ ﻣﻨﻚ ﻭﺍﻛﻌﺪ ﻭﻳﺎﻙ
ﻋﺠﻴﺒﺔ ﻻ ﺗﺠﻴﻨﻲ ﻭﻻ ﺍﺟﻲ ﻟﻴﻚ
ﻭﻻ ﻋﻨﺪﻱ ﻛﻠﺐ ﻳﺮﻫﻢ ﺑﻠﻴﺎﻙ
ﺭﺑﻚ ﻣﺎ ﺧﻠﻖ ﺟﺴﻤﻚ ﻣﻦ ﺍﻟﻄﻴﻦ
ﺍﺧﺬ ﻣﻦ ﻛﻠﺒﻲ ﻗﻄﻌﺔ ﻭﺑﻴﻬﺎ ﺳﻮﺍﻙ