هنا

[فقار الكرخي]

أچن بس هاا شچن من كون چناي
زفير ،، ولو نفخته ينوح چناي
تعال وشوفني من أجفاك جناي
چفن گدما نبتلك شيب بيه

[فقار الكرخي]

فتن بيه جمالك فتن شفتين
بعقلي ويشتغل مو شفت شفتين
يالمثلك فلا اشوف
اصد عنك وارد ملهوف
من عندك لفاني الخوف
انت الماكو والعندي
بيه تجيب وتودي
دخت واحترك جد جدي
اريدك تفتهم قصدي
اريدك تحن النوك
اريدك شوك
اريدك الي معشوك
لخاطر والدك وامك
لخاطر خالك و عمك
لخاطر الله شيفهمك
الله لو خالقلي هيج شفتين
جان اصبحت رمز النرجسية

[فقار الكرخي]

بعيني ماميز بعد لون النهار
وين مادير النضر اسود يصير
ولله هذا الزمن يطلب بيه ثار
زمن غش وحرمنه وكلش حقير
اليكع مايلكه صاحب لامعين
لا ابن امي طلع شايل ضمير
تارس عيوني دمع وبراسي ليل
بكلبي شك العوز أكبر من جبير

[فقار الكرخي]

شكد يسالوني عليه شكد حزين
وليش كل هذا الحزن بيه انولد
وهمه مايدرون مطعون بكفاي
والمصيبه اتزوجت وجابت ولد

[فقار الكرخي]

وانه اذكر گلتلك من سچچهم مو لزوم تفوت"
السمچ من تدني نفسه على العجينه يموت"

[فقار الكرخي]

حيل وياك يبرالك الف شيطان!
مايحمل ذنب من يرگص الفنجان !

[فقار الكرخي]

الحچة بطاريك مايدري الجرح ماطاب
مل حتى اليواسي وگام يتقصد
عدا الحطاب احچي كلشي وية الطير
ويم سيف أنكسر ﻻتحچي بالمبرد
أشفت مني؟ وعذابك من نصيبي يصير
وشردت منك وسيفك بالضلع ينحد
غربلهة لصفنتي شكم وجه منهة يطيح
كلهة طيوف غربة وطيفك امدد

[فقار الكرخي]

عدنه وادم مره صاحبهم وگع...
كلهه رگضت...
موتشيله...!!!
اشوف من جيبه اشوگع...؟

[فقار الكرخي]

انه الفايض مشاعر وانته خالي
و ولا واحد نخيته وانتخالي
ردت بتك يخالي وانته خالي
12 مليون تطلب شالقضيه

[حسين البليلات]

زوووووووووء