اي والله صدكالمشاركة الأصلية كتبت بواسطة فقار الكرخي
اي والله صدك
متناسبني كًلي
ساكت شرد اگلك
هو ضل السان
عندي وبيه اسولف واعترف معجب
شفتك من بعيد
وخذت كلشي وياك
انه ادري اشراح تاخذ مني من تگرب
***
ما مرتاب منك
بس احس بخوف
وبعيونك احس كل نضرة الك مطلب
يبو عيون الصگر
سابينه من مرتاح
نطي وجوهنا لا وين من تغضب
على كيفك وياي
وشوفني بيا حال
تعبني العشگ ما بي بعد اتعب
يابس زرع روحي
وضامة امن النار
ونارك بالزرع شيكضها من تنشب
***
تحيرني البرائه
اشما افكر بيك
ما اعرفك صدگ وياي لو تلعب
الغريبة البيك توك
ما تعرف الشوك
وشلته حال گلبي البيك هي اغرب
بسهل طبيت گلبي
وما گلتلك وين
يالشايل گلب للموت ما ينطب
***
ما احبك بعدني
وكلشي بيدك صار
چا ..شيضل علي .. لو من ..صدگ تنحب
***
مو مثل البشر
لا عمي عشگك موت
موت وشلي بيه ما منه كل مهرب
انت الحلوة بيك
اشگد صعب وياي
وانه الحلوة بي وياك ما اصعب
***
متناسبني گلي
حتى اضل مرتاح
متناسبني اشوفن هذا حل انسب
ما احبك لان
ما شفت هيچ اوصاف
والگلك اوصفك نافق وچذب
***
ملعب للجمال
او وحدك اللاعوب
وبحسنك صرت لاهل المثل مضرب
وعيونك بيارغ
هوست عالناس
(((احنه الاسسنه الملعب واحنه النلعب بي)))
واشحدة اليطب وباك للملعب
***
تبين من بعيد
اشما مشو وياك
حجر هم وصرت من دونهم كهرب
تسب الناس
كل خطوة جدم عالگاع
من تنسب اذا لتضوج من تنسب
****
معقولة انت اكلك
اكل هاي الناس
ونفس الماي تشرب منه من تشرب
گل لاهلك دخيلك
خلهم يضموك
انت الماكو منك خاف لا تخرب
ومن يكثر المثلك
خلهم يطلعوك
بلكي تضيع لمن بالشبه تنذب
***
لتخليني احبك
بي الف فلاح
يربات المدينة ارجوك لا تگرب
طير القرية روحي
يخاف الولايات
السطوح تصيح بيه لو عالمدن يچهب
طير القرية روحي
وما يعرف هواي
ومن كتر البيادر من يلكط حب
احب كلك
احب كلك
خِلّك ما صرت لوما خليلي أتصير
وصرت خِلّي برضاتك چي صرت خِلّك
علّمتك عليّه من الألف للياء
وتغلط بالا جابه
وآنه أعدّلّك
حرثت لخاطرك بالروح حرث الگاع
بوسات أو ورد كل خلگي أشتلّك
شمعة انته بحياتي
أو عمري ظلمة ليل
اشعلت روحي و خفت
ما اشعللك ... أشعلك ... ؟؟
الللللللللله
الله عليك خيؤؤؤ
راح ازعلك وامشي وي غيرك واروح
ماتحس بقيمته إلا التخسره
خلصتها وياي تهجرني واجيك
وذكرياتك لازمه ابالي سره
ماتعرف تحب تكلي تحبني ليش
الليل مو لعبه بجفن من يسهره
إلا أحب غيرك واجي اكبالك افوت
يوم واحد ضوك طعم المكبره
السالفه المابيها شاهد ماتعيش ....
اشرفعه خيط الفجر بس ايجر نهار ،
اليعطش بصف النهر ذاگرله خل ..
النهر لو جاع السمه تشبعه زراگ
وهو يترس غيمها ..
وينزل ثمل !!
اليمر ولفه عليه يم واحد غريب
يمة هز ايدگ اذا تلگاه عدل ..
من رضاب إشفـايفك صنعـو دوه
يعني من إتبوسك المرضه حلال
عدنه حـاله وكلـنه نعـرفهه سوه
اليوگف ابصف الضوه يولّد خيال
وأنت لمن توگـف ابصف الضـوه
ينولد عالگاع مــن طولك غـزال
كتلهـــا شوو خنتي الوعد ؟؟ كالتلي عوف السالفه
بعين الصلافه اتكلمت .. كالتلي غيرك_شايفه ...
همزين عندك عذر
من تخلص اعذارك
جذاب ماتشتعل
طافي وثلج نارك
والله طبعك..طبع
صرت انتة مثل النبع
بس هية غلطت عطش
(أي)هية غلطت عطش
جابتني يم دارك
والله زحمه يل جنت تهواني
من تفوت وكايدك جف ثاني
زحمه من يمي يفوت وكايدك
حتى لو اني جنت ما رايدك
هسه فز بيه جرح اذاني
اكبالي مد ايده عليك المايحس
الورده تذبل لو كثر بيه اللمس
ولذلك ما لمستك اني
