تعال ارجع شجاك اتأخرت ليش
جرح عايش الك ومواددك سيف
تلجمني وأكلك والله معذووور
والزك بالحلم لو جيتيني ابطيف
اكول اتعود هسه وانطر اتعود
وأضل اطحن الحيف ابرحة الحيف
بجوريد اشبكك دافي يهواي
جا...شنهي البروده البيك بالصيف
تعال ارجع شجاك اتأخرت ليش
جرح عايش الك ومواددك سيف
تلجمني وأكلك والله معذووور
والزك بالحلم لو جيتيني ابطيف
اكول اتعود هسه وانطر اتعود
وأضل اطحن الحيف ابرحة الحيف
بجوريد اشبكك دافي يهواي
جا...شنهي البروده البيك بالصيف
شكثر مشتاكلك لو تعرف اشكد
وابد ماراح تدري وتعرف اشكد
نفس روج البحر من يصعد الفوك
هيج الروح من تغيب تصعد
كو بستان ذابل من تمره طيور
وذبل بيه النخل من مات فلاحه %
واكو طير انتحر من زاحماه الغيض
شمر روحة اعله شبجة بأيد ذباحة %
وأكو بلبل يغني بصوت كله احزان
جي سافر بعيد وفارك الواحه %
واكو واحد يحبك انجرح من فركاك
ينتظرك تجيلة تضمد جراحه %
انة شديت جرحك ليش حليت
مثل حلت مدارس علي حليت
ذكرتك با متحان وغلط حليت
شجاوب وانتة شاغل حتة دية
ماكـاتـب قـصـيده عـل امـك اشـلـون
امـبـارك عـل يـخـونـك تـسهـر ايـام
ليـهـسه ابـطـرف اديـهـه اثـار الـكـمـاط
ولهسـه ابـكـاع صـدرك نـاصـبـه اخـيـام
ضـمـتهـه الـجـفـوف الـخاطــرك غـــير
ونتـه الخــاطـر امــــك ومضــه مـاضـام
غير لساني كلي شكصرت وياك
وخذت من عندي كلشي وما خذت عبره
يوجعني الهوى من اتنفس بفركاك
الي وياك جان بكل نفس ذكرى
خلك جاهل بقاصه جمعت بيك احلام
واليعثر عليهن حوبتي تعثره
بغيابك كمت البس محبسي بصبعين
واثكل من فشلتي صارت الشذره
وبدونك, شجره ميته اداينت عصفور
وذكروها بوكت بي جانت مخضره
تطب براسي تلكه احلامي كلها كياش
وتطب لأعمق حلم تتحفه وتعبره
تستنكف عيوني يمرها غيرك طيف
مثل بابي الكمت تستنكف تمره
ترى اعذارك قديمه كامت تذب لون
ليغيب ليا وكت يتلثم بعذره
وانه ادري شعطلك عالموعد وما جيت
ضبطت الساعه بس النيه متأخره??
ليش نبجي ؟
وليش خلينه الدمع ينزل رخيص ؟
وليش كل لحظة جرح نكتب شعر
وليش ذبينه الفرح والهم جبير
وليش رغم اخطائنه نحب نستمر
ليش مذبوح الوفه بلحظة خداع
وليش مات الشوك والحب يحتضر
وليش خلينه المشاعر بس كلام
وبالعتاب شفافنه شكد تعتذر
اه منك يازماني تغيريت
وجسرطبعك صاير وماتنكدر
المشه بصفك خذيته ومدري وين
والرفض يمشي انوله من كل كتر
والغدر ناسه رفعته عللجتاف
وصاحب الصاحب كضه سنينه عسر
اه يادنيه صدك مابيج امان
وفرق بين اليوم وايام وايم الزغر
جانت كلوب البشر تنصع بياض
هسه لون كلوبهم ماينحزر
ممكن بلحظة يجيك بكل هدوء
وممكن بلحظات يتحول نمر
وانه محتار ويروحي بهالزمان
ساعه اشد روحي مثل شد الحديد
وساعه الين الروح حد ماتنعصر
وساعه احس روحي على هدومي غريب
وخلص صبري ومابعد بيه صبر
جرحي بالنسبه الك كلش فقير
وانت وية ابسط جرح كلش صلف
جرحك الشاهود مابين الجروح
بدون ما الجمه على الواهس نزف
ما احير ابين جرحك والغريب
يصير بذات النكر لجمه عرف
وجاي تقنعني بعذابي بكل برود؟؟
تكول كل الصار مكتوب وقدر؟
جاي بكلمه وحده اتجبر المكسور
كزازه اتكسرت تنلم بعد صعبه
جنت كعبة حياتي وجنت رب الشوكَـ
واجه فيل الخيانه وفلش الكعبه
يناغـيـنـي العشكَـ ياخـذني بأحساس
لـعـــــالم احــلى مــنـه مـاتـمـنـيــــــت
عـلى اوتـار الـكَـلـب يـعـــزف مـواويــــل
ويـكـتبلي شعر بيت احلى من بيــــت
فــــرحـان الـعـشكَــ جـي لـنك ويـــــاي
وبأحـضـان الـورد كل لـيــلي اغـفـيــــت
يـل شـايــل تـرافـــــــة دوّخِـــت نـــاس
بطــولك والـحٍـسن وشفـاف جكليـــت