خايف ابجي بوجه كل سائل عليك
وادري بيك بهيج موقف ماصرت
من اصدقائي واصدقائك وين اروح ؟
شرد اكلهم راح يرجع لو رحت ؟
حقهم ايسألون جي يستغربون
آنة يمتة لوحدي من يمهم فتت ؟
خايف ابجي بوجه كل سائل عليك
وادري بيك بهيج موقف ماصرت
من اصدقائي واصدقائك وين اروح ؟
شرد اكلهم راح يرجع لو رحت ؟
حقهم ايسألون جي يستغربون
آنة يمتة لوحدي من يمهم فتت ؟
سميتك نفس لو ينكطع ماعيش
وسميتك حبيبي وروحي سميتك
عفت الناس كلها وماعشكت انسان
بس انت عجبتني وحيل حبيتك
اعز مني عليه وغالي عالروح
عليك اجذب اذا فد يوم مليتك
ماكلك احبك بس اموت عليك
لان جنسيتي انت واني جنسيتك
تــعــالــوا وشــوفــوا بــيـه اشــصـار مــا صار
زارع عــل درب تـنـطــركــم اعـــيــون
اذا بــيــكــم ونــيــن الــبـيــه يــنــدار
ينــام الـــنــوم و انــتــم مــا تــنــامون
جنــت يــمــكــم نــبــع و الــماي طــشار
نــشــف ميـي بــعــد من مـنـتـشــربــون
وجــنــت انــه الــسفيــنــة و انــه بــحــار
و اذا انــه ضــعــت انــتــم تتيــهــون
كَبل الخاطرج زعلان هسه الخاطرج ارضه
حكم فرض العشك وانه اعله خط النار
وبكَطرت دمع من ينج اتوضه
هسه انجر نفس ونسولف على الكيف
هاي اسنين ايجيبه مواعيد العشكَ ركضه
بعد ما اكض جنطي باليل
والدمعه ادزتني الساحت النهضه
ولا اسأل الحارس عن بكَايه اليل
ومشي وعيني امغمضه
ولا اطول لساني وي سايق ريم
الغابه
اثنعش باليل حدهه وهوه ما يرضه
دريت انت شغلاتك كبل متخون
ماتدري وحك الماهداني
بغلاة الروح مو عند اليضحون
بغلاة الروح عد واحد اناني
جنت كبل الهوه بحساب الانفاس
اشمك والهوه واكف يتاني
شعجب ما قارنت بالمال والروح
اليضحي بياهي منهن بي تفاني
ببتوته الذهب نساك الايام.
موش بتوت كلبي ملبسك اني
لاتظلم شخص ماخان حبك يوم
ولاتجرح شعوره شما عكس وكته
فكر يوم شالك من طحت مجروح
وصار بنص شفافك عسل من ضكته
موسهلة اليحبك تلكاه هالأيام
بس ممكن تلكه الرايد يلعب لعبته
اذا رايد صحيح تحب بيوم انسان
دور شخص ماينساك حتى اذا عفته
ماكو اشكال شرعي بحبي وياك
وشنو يعني اذا اكو اشكال شرعي
وشنو يعني اذا كرهتني الناس
وشنو يعني اذا كرهوني ربعي
وشنو يعني اذا طبيت للنار
اذا انت وياي كلش زين وضعي
وشنو يعني اذا بجيتني شبيك
جا ربك عليمن سوه دمعي
شيصير الكلب من يهجر الطيبين
يضل مثل الحمام المنكسر جنحة
ﻻيكدريطيرويلحك العافوة وﻻ
يكدريظل ويتحمل الذبحة ؛؛؛؛؛
محتاجه كلش الك يل شاغل انت الفكر
محتاجة الك مو حجي وارتاح من ينذكر
هنيالة من كابلك يااحله صورة شعر
محتاجة الك ماتجي ماباقي شي بالعمر
زعلان ؟ليش الزعل زعلان انه اعتذر
بس ارجع لخاطري صير على نحري عطر
صير على جفني كحل حليني بين السمر
تعبني ذرف الدمع بس ماطفالي الجمر
بركان في داخلي وياخوفي لاينفجر
شمأخرك ماتجي ماظل الك كل عذر
اهلال جرحك كمل اي كمل واصبح بدر
صدكني حيل اتعبت حبك عسر مو يسر
اترجيت وتوسلت بيك شكثر وشكثر
مافاد بيك الرجه وجبرتني لهل امر
( باجر تهون)
جازيت الدمع حد نزف العيون
وبـــڰــلبي الحزن سكنته ممنون
من راد الفرح يدخل على البــيـت
ســــد البيت بابه وصاح مسكـون
من كد ماحملت بروحي حسرات
زهڰـت الاصابع عــض السنـون
داينت العــمر للـرادني بــعــــوز
من عازتني روحي اطلعت مديـون
شعــتب عــالحمل لو قصر الحيل
شــني ذنــب الحـمل اعتب عالمتون
انــــه مــعاشـــر وكــت متلثم بليل
على عيــون الصبح بلـثام الظنـــون
عــلى حــــساب العـمر ينعدن ايام
يــوم يكــل للاخر باجر تهـــــــــون