منورين المدونه يالغوالي
منورين المدونه يالغوالي
الهي..
شدعوة هلكد حاط بينه احساس؟؟
نذبل ع المشوو ونطيح!!
الهي..
الطين نفس الطين؟
لو شكلين ؟
شو من نشتهي ابن ادم نغص بالريح !!
ديربالك لاتكبر روسهم
افطن وعاين عدل لنفوسهم
لاتعلي الناصي وتسمعة السلام
لان مو كل بشر مال احترام
اكو يحترمونك من أدوسهم
ديربالك لاتكبر روسهم
اشيلن طن حمل كلبي وحط طن..
المصايب جلجلن حيلي وحطن..
وعلي من حلكي جنت أخذ وحطن..
بحلكه ومدري ليش يخون بيه..
مو صوجكم..
صوج اليعاشركم نبي
حسبالي الكاكم علي
شمدريني اميه ابدمكم
صوج اليأمنكم جرح
ونتم تحبون النزف
صوج اليأمنكم ظهر
وطعناتكم بس للعرف
مو صوجكم..
توسلت
حد ما رحت
وانه الهجر موغايتي
كبالك وكفت بلا وعي
وحجاية احس كلي صرت
لا تبتعد
بس للاسف كمت ودفعت حجايتي
ضليت اكلب بالجرح
ها. يا جرح
ميت
عدل
بس انت باقيلي ربح
ردتك تشيل جنازتي
دورني ذنب
يل رگبتك فضه
وچفوفي علك ساده
اچذب لو گلت توبه
وكبالي اثر ملتف على الرگبه
اثر باقي من الگلاده
الك دوم اتعنه واصل بيك
وعنادك وين يبنادم وصل بيك
حبيبي وشايل بجيبي وصل بيك
وباجر بيك انه مطلع هويه
(الله) شكد حلو يخلق عصافير..
عظيم ورائع بكل المقاييس...
من كد ما رحمته توسع الكون....
يمكن بلنهايه ايسامح إبليس..
اذا كلشي انتهى وبابك يظل مسدود
حتى امشي بعد وما اوكف بابك
واذا زعلان مني اسمحلي احجي وياك
خلي اسمع كلامك وافهم عتابك ؟
مو بس انت تزعل اني هم زعلان !
انتظرتك حيل بس الشوك ما جابك
مو هينه عليه تبعد واظل مجروح
ولا هينه ازعلك واحرك اعصابك
بس الصار غلطة واني مو معصوم
حبيبي بوجهي اكلك لا تسد بابك
