هنا

[فقار الكرخي]

راد يعشك كلبي ماخليته
اليفتهمني لهسه ما ﻻكيته
هسه مووكت لعشك
محد يحبك صدك
خذت عبره من لكبل حبيته
راد يعشك كلبي ما خليته !

[فقار الكرخي]

حبيتك شلع كلك وأغار عليك
خدك والرمش والطول والنظرة
ولا اسأل ابد عود انة احبك ليش
ما ادري عشكتك هيج عالفطرة
اتكرب علية شبيك احس تخاف
عمي وداعتك مانلعب وفقرة

[سمراء من قوم عيسى]

تعال الليل ما ينام
امسح راسي خل اغفة
هدوء وبالي ما مرتاح
بالي بهوستك يصفه

[زمرد الشمري]

[فقار الكرخي]

اول ما مشيت شكد لكيت وجوه
ماصادفني واحد بي ملامح خل
وين الكة اليشبهك وانتة عكس الناس
كل الناس واحد وانتة وحدك كل
اذل الحب الاول من اقيسة وياك
معزتة كبال حبك شي طبيعي تقل
دليني ارد اجيك منين ما تنصاد
كافي الشمس غابت وانة ادور ضل

[فقار الكرخي]

شميت‬ ريحتكم امس..
ويه الهوه..
حنيه هم بيكم .. بعد
لو كلشي من رحتوا انطوه...
مغرب الدنيه.. وفرفحت...
صافن واجيتو ابالي...
‫أفيش‬ ..
ياذاك العشك..
بيكم جنت هنيالي..

[فقار الكرخي]

غاسلها بضباب وياهم النيه
شعره وعلى الموس امشي رجليه!!!
امغمض والكط الشيبه ال بظهر الغيم
بخيط العنكبوت مسوي خاجيه!!!
النفس. يكفيني اذا اباتن شهر بالماي
عزت نفس شايل حتى بالريه!!!

[سمراء من قوم عيسى]

اضحك فدوة لجفونك وعيناك
جنة بلا وعي وهسة وعيناك
تعال ابكلبي افديك وعيناك
وافصلك لون تتغير علية

[فقار الكرخي]

الـ عنها دلــوه شكــثر مــايستحــون
بيــهم آنــه اليــوم رايــد أبــتــلــي
عــانســات هــوايــة ينتــظرن زواج !!
عوفــوا هالــإنسانــة محــجـوزة ألــي

[جولين]

عفيه دنيا الما شفت بيهه حنان
وعفية دهري اليطحن بكلبي طحن
وعفيه وكتي هواي شوفني الهموم
وردت اضوك الفرح ضوكني الحزن
ادري ياربي امتحانك صعب حيل
ردت فرحه ارتاح وانوب امتحن
وجذب كلمن كال غابة الدنيا هاي
لا وحق الله ترى الدنيا سجن