هنا

[ارجع يازمان]

دكيناله طبله وصار مجنون!
حسين الساعدي
××××

بطلنه العشك سدينه الكلوب
لأن مات العشك عند اليحبون

كافي وما نفوت ابهاي الدروب
ومن وقت العصر نومنه العيون

صعبه ابهل زمان اتلاكي محبوب
يوافي وما يعوفك يوم مَطعون!!

والمسكين دومه ابحاله متعوب
زمانك يستمع بس لليدفعون!!

ولأن بس للمصالح يِلِبس ثوب!!
ولهذا تشوف اشكَد يلبسون!!

يل ما شفنه غير امكاثر اذنوب
ومشاعرنا صفت بيد اليلعبون!

كالوها اليخون ابعقله مَلعوب!
هسه اتعلمه بالطيبات !ويخون!

واليوافي تشوفه امترس اعيوب
يشوهون ابسمعته الما يوافون!!!

ونغدر باليوافي ونضحك انوب
إونتباهه ابخيانتنه إويصفكون!!

قيس الما يخون ابهاي الدروب
دكيناله طَبله وصار مَجنون!!
دكيناله طبله وصار مجنون!
االساعدي

[ولاية علي]

سلمت الايادي

[احمد جبر حمود]

شكرا