هنا

[ارجع يازمان]

أبوذيات حسين الساعدي الجزء السابع عشر
//////////////

وي ونعمت عيني إعليك ---وي وي
اجه الشامت وكلبي ابنار --وي وي
هز ايده اعله جرحي وصاح -وي وي
جرحك لو يطيب/ اعتب عليه
االساعدي
_______________________________
تمسَك بالتشوفه اوياك /هد هد
وهده الما فزع وياك / هد هد
ترى كاشف قصر بلقيس هد هد
الفخر مو بلضخامه/ ابهل قضيه!
الساعدي
----------------------
كالولي الشعر محسوب/ فن فن
وفنه اليكدر ايجاريك / فن فن
انفن يا عيوني الدمع /// فنفن
عيب أبجي ///عله اليلعب عليه!
ااالساعدي
_________________________
الليله الغيم فوك الكُمر/// غمغم
وكلبي ابهلكسوف اشكثر/ غم غم
بيدك عليخون الطيب ///غم غم
غمه ابكل صباح /وكل مسيه
االساعدي
____________
أجيب اطنون من اهموم/ طن طن
جن طنت الحديد ابيوم //طن طن
ياهو البذنك اعله الهجر// طن طن
وعفتني وما دريت ///اشصار بيه!
ااالساعدي
____________________
ابهذا الاصرار ودوم //صر صر
ومسَك بالوفي الوياك- صر صر
وِعتبره اليخون الناس //صرصر
ودوسه ابخطوتك// فوك الثنيه
ااالساعدي
-----------------------------------------
جاب الزاد كال ابساع // سَم سم
خبز ومكسب ومرشوش// سمسم
وشمَدريني حط بالزاد // سم سم
انطيته العافيه / انطاني المنيه!!
االساعدي
--------------------------------------------
ظهري المن دروب الشوك //حبحب
وصوج الكلب من اصباي// حب حب
اكله علج كام ايصيح // حب حب
عذبني الكلب /// يلعب عليه!
ااالساعدي
_________________________
طر الدرب عالدلال //طر طر
وبكيفك ابسفك غاد// طر طر
تدري اليوم من الفجر/ طر طر
طلعلي شمس ///بيها المنيه!
االساعدي
---------------------------------------
سر ابهل طريق الزين // سر سر
وشكد ما تسر الناس // سر سر
وبالك لا تبيع ابيوم // سر سر
وبيرك مو أمان ابنصه حيه!
االساعدي
______________________________
ما خله الزمن للضيم //حد حد
جاب السيف فوك الراس// حد حد
أنه ابيوم شفت الظعن // حد حد
عيني ودمعتي // طاحن سويه!!
ااالساعدي
_______________________________
الباب ابوجه شمات// رد رد
وعلي لا تكطع الجيات // رد رد
أسئلنك جواب ابساع // رد رد
الك جيه الي // لو ماكو جيه!
االساعدي
------------------------
بطالي الجبد ياناس / بط بط
بدموعي سبح والماي/ بط بط
انه ربيت مثل الناس/ بط بط
مشن عكس النهر// غابن عليه!!
االساعدي
________________________
ما عاودت الي من صحت// عد عد
وعيني اشكد بجت دمعات // عد عد
إذا رايد تَعَرف الصدك //عدعد
عد كلبي الجرحته/ ابهل مسيه!
ااالساعدي
______________________
لغزك بالعقل يفلان //طخ طخ
واسمع بالرمي الجيلات// طخ طخ
لا توكف ابطولك بعد// طخ طخ
شفتلك صاحب / وشامت سويه!!
ااالساعدي
_____________________
دلالي ابلهفته اعليك // رف رف
والخانات الك بالروح // رف رف
رافعلك علم عالدار// رفرف
يدليك الدرب / لو جيت اليه!
ااالساعدي
__________________________
حشاش الزمن وياي //حَشحش
كَبرني زرع وانوب //حش حش
ماكو لوله باالطيبيين //حش حش
حشه الطيبيين //من اهل الرديه
ااالساعدي
________________________
ما أظنك تلاكي الهاي// حل حل
وحيلك من وره العافوك //حلحل
ترى ذاك التريده يحل //حل حل
وكلتله البيك/// كال أنه اشعليه!
ااالساعدي
________________________
ربيت الجروح ابعمر// دك دك
واللجمه التدك بالروح // دك دك
اجاني الشامت ابطبلات// دكدك
سمع منك بعد / متمر عليه!
ااالساعدي
-----------------------------
ما أمزح وأحجي اوياك// جد جد
وما أعوفك لون اتصير // جد جد
سمعت ايفوز البدنياه ///جد جد
شو ما فزت بيك/ وصرت اليه!
االساعدي
_____________________________
كاتلني النظرته اتصير//شر شر
وشَريت الهدم بالدمع// شر شر
إشري الزين لو بالروح// شرشر
ولا تشري الردي// المابي حميه
ااالساعدي
______________________________
أنطيهم خطأ وبس الك // صح صح
وكلبي النايم الطرواك // صحصح
إذا وصلك عليه ابيوم // صحصح
احمد ربي// كل صبح ومسيه
ااالساعدي
___________________________
حَي ابكلمن اتعناك // حي حي
وانه الجنت ادوراعليك //حي حي
ترى ميت وانت اتشوف// حي حي
انعم الله اعله الهدم //ساتر عليه
ااالساعدي
------------------------------------
كلبي الهسه بيدك //حله حله
وي حلت المدارس//حله حله
صحت بصره ويكلي// حله حله
شسوي الكلبي / الصاير عليه!!
/////////
بقلم
الشاعر حسين الساعدي

[نغمة الصمت]

رؤؤؤؤؤؤؤؤؤعه

[Kasbar Al Bagdada]

ابداااااااااااااااااع

[ارجع يازمان]

رؤؤؤؤؤؤؤؤؤعه

حضوركم اجمل