العفو نورتي الموضوعالمشاركة الأصلية كتبت بواسطة زهرة النرجس1
العفو نورتي الموضوع
العفو حبيبتي نورتي
شكرا حبيبتي ع التقرير الرائع
شكر جزيلا للطرح القيم
شكرا ع المرور عزيزاتي
سنة 2026 و لحد الان شارع الكفاح مظلوم من الحكومة و سكانة بعضهم عندهم قلة الذكاء و تخلف، انهار افكار الشارع بسبب التدخل الديني المفرط يلي سبب اغلب يلي عايشين بيه يفكرو بل دين اكثر من حالة الشارع يلي عايشين بية
العقول النافعة يلي كانت تسكن في شارع الكفاح شالو چويلاتهم و طفرو من هاذا الشارع، و تبقى فقط الاسوء
اتمنى في السنين القادمة ان الجيل الجديد يصلحو هاذا الشارع المظلوم لانه من اهم الشوارع في بغداد و حتى اهم من شارع المتنبي، الشارع جميل و رائع و يمد ٥ كيلومترات و هو من اهم الشوارع في بغداد لانه مقارب من كل الشوارع السياحية الحقيقة مثل الصدرية، و حتى بيوت تعتبر تحف الماضي، مأكول من الداخل و مدمر في الخارج، بيوت تحجي عن ماضية من الحروب و الصراعات، و بدايات البناء و الهندسة المثالية، امشي و اشوف البيوت القديمة و اتخيل عالم لن يحصل به صراعات و الحروب و الظلم و الفساد و افعال ضابة عل ساطور، كيف ليكون الفروع و الشارع، كيف ليكون جميل و مليء بل خضار، كيف البيوت تسمع منها اصوات اطفال يضحكون، الجيل القادم، كيف تكون اكو كل الخدامات المتوفرة البسيطة لبشر، المدارس للطلاب تكون نظيفة و قريبة، بس ريحة المجاري الطاگة ترجعني للواقع المر و انهجم بتلوث سمعي، تلوث بصري، تلوث الهوائي، تلوث النظافة، كلشي وصخ، كلشي ياخذيك، نفسيتك تموت، و كل بنايات عبارة عن جكاير لو بهارات لو بضاعه، اريد اشوف ناس، اريد اكون صداقات، اريد العب كره قدم، اريد تعليم بيه حظ، اريد نظافة بشارع، اريد هدوء، اريد نفسيتي تتحسن من اطلع بره، اريد خدمات، اريد ثم اريد ثم اريد
ولاكن الحكومة مركزة بشارع المتنبي، يلي مخلين قطار تسعينات منقرض وقته، يوصلك من كراج لي راس شارع المتنبي، البنايات كلها فقط واجهة و كلشي حقيقي وره واجهة، الشارع متروس ناس بس ماكو شي جاي يصير، كلهم نصابين، المكان الوحيد يلي جان بيه شويه حظ هوا الحديقة بس سادينه قبل سنتين، من تمشي تقدر تشوف وين البلاط الارضي الجديد يتوقف بين شارع المتنبي و ساحة الرصافي، و اباوع على الكاع و اگول "هنا تنتهي الثقافة و هنا تبدا الثقافة"
و لحد الان اكو خدمات مثل الانترنت الوطني ما متوفره في شارع الكفاح، شارع الكفاح هو مستقبل لكل زائر من الخارج لانه شارع الذي يُبين السكان العراق الاكثرية، الحقيقي، العراق الحقيقي و ليس بنايات مع واجهة للاستعراض
اني ما اعرف اذا شخص راح يشوف هاي الرسالة او لا، اتمنى تسوي حساب و ترد و تقولي رأيك
رد مع اقتباس
