هنا

[فهد الزيادي√]

كلمات قصيده انه ودمعتي الشاعر ايهاب المالكي 2014








بعيوني اريدك تجي لو بس حلم عابر
انطيني نسمه هوه وبراحتك سافر
من دونك اني تره متلعثم وحاير
لو كلبي لو خاطري ما اعرف شكاسر
يل بيه الك لوعتي والشوك والشاعر
وليل وحلم بالجفن والماضي والحاظر
كلي اذا ما تجي وسولف من الاخر
اني ودمعتي تره ما نصبر الباجر
عكبك اامن منو ومنين ما حاذر
حرب الضنون ابتدت وباعتز ساتر
وديلي اثر خطوتك ودي عطر لمستك
سويلي واهس اضل وكت البعد صابر
ما خظرت والنهر وشل وانه مناطر
والضن جنيتك تره معذور للظاهر
جم دوب ادور السمه عن طير المهاجر
بعدك اكل من الخلك وشلبه على الخاطر
يل ما سمعتي جا ما سمعت البجي
شتريد اموت اي متت تدلل وتامر
خيل الحزن على الجف خلت اثر حافر
وياك احس بالنصر حته من ارد خاسر
بس انت ثق بالهوه بطلت ما اعاشر
وهسه افتهمت المثل عن غلطت الشاعر

الشاعر
ايهاب المالكي







♥

[هاكان ~]

تسلم ايدك على النقل الجميل

[قلب من ورق]

يسلمو على المجهود المبذول ولاختيار الميزز عاشت أيدك تقبل مروري

[كَلكَٱمشّ ٱلعرٱقَيّ]

قصيدة رائعة شكرا لك اخي

[۰۰۪۫هّذَرًلّوَجِيِأِ أًنُثِى۰۰۪۫]

شاعر مبدع كنتُ ولا زلتٌ
من عشاقهُ تعجبني طريقة شعره وجراءته
في طرح مواضيعه وكلماته مهما كانت قويه تشعر انهُ مسؤل عنها
بارك الله فيك أخي

[✿ عِشق ✿]

شكراً لنقلك.قصيدة لـ..شاعري المفضل إيهاب المالكي
..

[Salam Salman]

جميل

[كرار الحسيني]

جميل

[صقر عراقي]

الله عليك ايهاب
قمة الابداع
شكرا للنقلة الرائعة