أي صحيح
أي صحيح
آنه ذاك العاش عمره يركض ومامستريح ،،
وآنه أبن كوخ وصريفه وبيتي باقي اللهسه طين
عندي رازونه أعله گدي منهه أشم أشويه ريح
أي صحيح ،
لأن من الطين بيتي
بيه غيره وگصتي تعرگ
خاف أمد أچفوفي ذله
والرطوبه أتلوح بيتي من عرگ گصتي ويطيح ،،
بايد وتعبان هدمي وصارلي لسانك مگص
ساكت وما أخاف منك ، منك أتعٓلم قصص
آنه عندي السكته أعله أهواي من صوت اليصيِح .
أي صحيح ،،
أبيوت عدكم مو مثلنه عاليات أبيوتكم !
وأعله من ذيچ الجبال أعله الصريفه أخشومكم !!
عالحصيره الهادي أحمد جاب كل عمره فقير
عالأقل بالكوخ أنامن وأغفى مرتاح الضمير
مو لأن بيتي صريفه
بس لأن الله الچبير
لو نسيتو أسم الله باقي
أكبر أمنقصوركم .
أحمد الكعبي
رد مع اقتباس
