مشاركتي في مسابقة ( أيقاع الكلمات) ... محاورة العقيلة مع كافلها
محاورة بين الحوراء زينب وكافلها أبي الفضل العباس ( عليهما السلام ) .
هل الشهر ياعباس وهلت دمعتي وياه
شهر عاشور المكَدر ومصابة منو الينساه
شخلة بكَلب أبو اليمة واهٍ من مصابة اه
حيرة حير العيلة وغصص واهات من عشناه
*********
هل الشهر يازينب وبمصابة يشيب الراس
أخبرج بالصبر يختي والكافل أنة العباس
لايهمج عدد هالكوم جيبيلي الدرع والطاس
اسحك كربلة كلها معروف أني ابو النوماس
************
أجيت الكربلة بزودك وهاي العايلة بحماك
وية عيلة أبو السبطين كَلنة يلولي برعاك
أطفال تصيح عطشانة وهذا جودك بيمناك
اكصد للنهر ياخوي وجيب العلكمي وياك
**************
أنا الكافل ينور العين وفنة العايلة يكَرب
أحميها لاخر الانفاس وينة من العدة اليهرب
اخلي الدنيا كلهة تميل من اجرد سيفي انة واضرب
ناذر للولي يمناي وعلى عهدي يشهد الرب
***********
زينب تنشد العباس وينك يانظر عيني
أطفالك تريد الماي وأنة بحيرة تدريني
وانة حايرة بأيتام ونوبة العدة تسبيني
كلهة تهون يالكافل لاكن فكَد الولي ياذيني
**********
شنهو الماي يازينب أرويها بدموع العين
لاكن شاهدي حالي طاح الجود والجفين
والاشد ياخوية وهضمني بيوم الطاح أخوي حسين
كسر ظهري وحناني وخلة للسهم تعيين
**************
وكفوا منك يبو فاضل انتة بالوفة معروف
أكصد للشريعة هناك وارعب هالعدة من الخوف
صالت يا أبو فاضل ع الاطفال كلهة صفوف
وماباقي ينور العين بس الدمع هالمذروف
**************
وحق الزهرة يازينب لخلي هالعدة طشار
وافني المشرعة كلهة وأخلي الدنيا تلهب نار
لاكن شاهدي حالي أحس الكون كلة أندار
بيوم الوكع سهم العين وخلة بعيني هالتذكار
أنتهى
رد مع اقتباس
المشاركة الأصلية كتبت بواسطة أبتسامة فاترة
