نه مو بس عيوني افرشهه رمل
روحي هيه التنفرش لمن تفوت
كلي حاله اشلون ليودع حبيب
خفت اجيك وكبل ما ودعك اموت
نه مو بس عيوني افرشهه رمل
روحي هيه التنفرش لمن تفوت
كلي حاله اشلون ليودع حبيب
خفت اجيك وكبل ما ودعك اموت
الماصافح شمس,, حريته بيها اشكال
الريه الحاقده عله الهيل,, مختنكه
ماهم للسوالف ,,بس احس مطعون
و المطعون خنجر توجعه الشهكه!!
من اصفن عليك الوحدي باليل
من حسرت صفنتي تفز حياطين
واهس عندي اموت كبال شمات
مثل واهس حمامه بكبه الحسين
جم مره جيت أنخاك وتردني مندوم
ألينخه ماينخاك ينخه ألله ويكوم.!
اشوفك بلحلم واكعد دموعي تسيل
واعيش ليوم كله بحلم ماضــي
واحسب بلدقايق يمتى انام الليل
واشوفك بس حلم هم انه راضي !
كلشي يمك بي طعم ماادري ليش
تاكل بعمري وحس محتاجلك
تخبل انته شبيه ما اركز عليك
اشتاك لطعنات مااشتاكلك
بعدني بخير اسولف من يمر طاريك
يسألوني واكلهم يرجع اصبرله
واطرده النوم لو مر لحظة يم العين
انا امفارك ولف يستاهل اسهرله !
هوى غيرك من أشمنه أموت
لكن أرجع عدل من أشتم هواك
تدري آنه شكد أحبنك بحيث
من تهد إنت عليه أفزع وراك
رئيس اعتبر نفسي بهاي الايام
تعال اكَلب عليه الوضع دامي
يبو عيون انتفاضه و رمش ثورات
تعال بنظرتك سقط نظامي
ما اجيت اشتكي كالولي راح تروح
جيت انهي البداية واختم القصة
فرصة من العمر جانت محبتي وياك
وصدك ما ترد لو راحت الفرصة