صدگ صعبه بزمنا تلگى أنسان
يحافظ ع الملح والزاد ميطشره
راح اللي يوافي و راحو الطيبين
بقى بس اليخون ويهدم العشره
صدگ صعبه بزمنا تلگى أنسان
يحافظ ع الملح والزاد ميطشره
راح اللي يوافي و راحو الطيبين
بقى بس اليخون ويهدم العشره
يالطبعك بحر لاتضن امدح بيك
البحر ازرك يبين طينه بس حركه
الينغر عالبشر مايعله فوك الناس
العنب عالي ولاكن خمره بي تلكه
بس كلي برودك هذا جبتة منين؟؟
ياحايط هدالك صورته ونبضة..
يجي كلبي عليك بواهس معرسين..
تتلاكه بواهس طفلة متمرضة..
اشم ريحة هجر من حلكك تفوح...
عليمن مستحي طلعها وحجيها...
تريد تروح روح او الله مو وياك؟؟
الله وياي خلي يشوف تاليها...
شوف الزمان شلون نظم عذابه
خلاني احجي وياك بس بالكتابه
صمنه وفطرنه سنين لا عطش لا جوع
بس فركة الطيبين....... تاكل بالضلوع !
يا ومضه حسن بإحساس اليكتبون
يا طور الترافه الغنته الرقــــــــــــه
عالورقه رسمتك والترافه البيـــــك
ما خلتني أسيطر شكت الورقــــه
لأدري هسه افرحت ,, ما أدري فهموني
شيريد منـي الحــزن ,, وده على عيونـي.
إلهي بجاه احمد رد ابو تراب
رد ألنه إلهي يساعد الفقره
كتلها الجوع ناسك والعدل غاب
دخيلك رده إلنه بداعت الزهره
ثكيله اجنازة العريس عالجناز
بس موش بثكَل جف امه اللي ودعه
ولك حتى النهر لوطفح طينه ومات
من غبشه النوارس تركض اتشيّعه!!