ما اكدر انام...... وآني مجروح
يالجارحني.... كاعد هسه... نايم؟؟
ما اكدر انام...... وآني مجروح
يالجارحني.... كاعد هسه... نايم؟؟
شو أشوفك ماتِحن وإنته الحنين
يصير ﮔلبَك مِن صبغ حنيته
عَمي بطّل لاتسولِف للسنين
وآنه حَبل إمواصَلك جــرَيتـه
اذا طول غيابك لا ترد للبيت
اركض للنجف تلكَاني مدفون
ما رايد دمع تبجيلي مثل الناس
اريدن عل كبر تبجيهة العيون
جزى وكت الدلع عالفطره خل نعيش
موج الـــــــشيب ضل يتلاطم بخدي
انه عمري جبــير وكلشي بيج زغير
بـــس عن حلفة الله شــعرج بكدي
صرنالك جسر من هدمو طاريك
وصعدناك جثه حد ما حيينه البيك
وما غزر دمعنه شكد بجينه اعليك
من صرت وعشت اتريد تنسانه
شجاني وصدكت موكلبي ملجـــوم
عيني تشوف بس روحي الغشيمه
الطعن بالوجه صاير هاي الايـــــــــام
اليطعن بالظهر صـــــــــــــارت قديمه
ازرعلك حنان بموسم اجروح
وخضر واهس احلم بي الملكاك
يا تربات الشماته اشلون اوفيك
لو امطر ملح ماغزر اوياك
رفيق الدرب همي وعشرت سنين
شكثر وي.......الحزن ماخذ تصاوير
انه اندل الحزن واعرف خفاياه
حرامي الزرع تندله العصافير
منهو الگالك بيك آنه مجنون
ومنهو الگالك ماكو مثالك
گبل لتروح خل اتراهن اوياك
من باچر أحب انته بدالك
دك بابي الحزن بس مافتحت الباب
بذاك الوكت جنت مضيف الفرحه
وضحكلي الزمن خلاني امن بي
وعلى غفله جرحني ومارحم جرحه