هنا

[الشاعر سيد كاظم الشرع]

((جذور الدواعش في التاريخ))

=========
موش أول دواعش ذوله بالتاريخ =خل نستطلع التاريخ ونفهمــــه
اول داعشي إبليس بالمــــــــخلوق=لأن ماطاع ربه وأوغل بجرمـه
الباري آمر أملاك ألسمه يسجدون= لعد آدم كرامه من الله تحـترمـه
لأن ألله بصلب آدم خلق أنـــــــوار=آل ألمصطفى آياتهُ ألعـُظــــــــمه
طاعة أمر ربه وسجـدت ألأمـــلاك= إلا إبليس حاقد ما رضـــا يكرمه
-------------------
وندار الزمن وفترت ألأيــــــــــــام=وبعث ربنه محـمد للبشر رحمه
بزغ فجرالهُدى بمكه يشـــع أنوار= أشرق عل وسيعه وبدد الظـُلـمه
من بعد الجهل نورهم ألإســـــــــلام=واحدهم صبح يتـفاخر بعــــلمه
من بعد ألفقـر أطعمهـــم الطيــــبات=كل هـم الفقير تحقق وحلـــمــــه
من بعـد الفزع والخوف آمنـــــــهم=مـن بعـد التمزق وحد ألجـلمـه
ألهم خضعت الدنيا بلايـــــــه حدود= ونجمهم سطع وتعله عل نجمـه
------------------
النبي ماراد من عدهم أجرعل دين=بس راد النبي منـهم حفظ رحـمه
وصه بفاطمة والعتره يـــرعـوهه=وعلي الكرار بعده قايــــــــد الأمه
بسبب هاي الوصيه تجمعت داعش=بسقيفه ساعده وانتهكت الحرمه
كالوا ما يصير الجمـع بين أمــرين=هم هوّ النبي ويولي أبن عـــــمه
بدل ما جازوا المختار بالإحســان= صار المصطفى لسهامهم مرمـــــه
------------
بعد أيام من مــوت النبي المخـتار=نطلق سهم الدواعش وبحقد أعمـه
على باب الزجية أتجمعت أوغـــاد=ما راعـوّا وصيته وخـــانوّا الذمــه
بين الباب والحايط وذيج الــــنــار=محسنه سقط وتخضب بدمـــــــــه
موبس ضلع واحد بالصدرمكسور=ضلوع الزهرة بالإجماع متهشـــمـه
لونفـرض جدل محسن عدل مامات=يا صدر الذي يحتضنه ويضـــمــــه
-----------
أذن نفس الدواعش تحتل الكــــوفان=غدر ينباك راعي الزود والهمـــــه
وبنفس الغدر مات الحسن مسمــــوم=جبدته بسم عدوّ الله متخــــــذمـــه
أم الفاسقين تحشم بمـــــــــــــــروان=وين سهامكم بالنعش خل ترمــــــــه
لفه ابن الطريد تعاونه ألأشــــــرار =بجثمان الحسن يرتـع نصل سهــمه
ثارت غيرة العــــــباس تلــهب نـــار=جرد صارمة بيمناه أبوالشيــــــمه
لجن صبر الحُسين تعده صبر أيوب=كأنه من الصبر مخلوق أبو اليــمه
صاح بصوت يا عباس موش اليـوم=خل سيفك بغمده الكربلــــــه ضمه
نفس ذيج الدواعش في زمنه تعــود= تذبح للرضيع وتهتك الحرمــــــه
--------------------
أذن نفس السهم يتقلده ابن سعـــود=جمع كل حثالات البشر يمــــــــــــه
من عبر المُحيط أتجمعت أرجـاس=أفغان وترك شيشان متحزمــــــــــــه
تحت اسم الداوعش أجوا متخفين=النجيفي وزمرته بالركب متقدمـــــــه
عدنان الدليمي وطـــــارق ومسعود =وشيخ الفتن حارث اصدر الحكمــه
كل اسمه علي لازم بسرعه يمـــوت =وكل مرقد لعد آل النبي نهدمـــــــه
ما نعتب عليهم ذوله ندري أشرار=عتبنه على اليوالي حسين أبو اليمــه
------------
أريد انشد أخوتي شيعــــة الكرار= أريد جواب منهم واضح بعلمــــــــــــه
هل إن الولايه أعلنها بس بلسان= هل أن البرائه أعلنها بس جلمــــــه
لوهاي الولايه تريد واحد دمــوم= يقدم منحره ويرويها مـــــــــــــــن دمه
إذا فعلا روافض ضحوا بالأرواح=لجل راية علي ترتفع بالقمـــــــــــــــه
الدواعش فاتهم من الحساب هواي= شتبهوا بالحساب وضيعوا رقمــــــه
يشيعه شمالكم صرتوا فرق وحزاب=على ناي الدواعش صارة النغمــــه
ماتدرون هذا مخطط ومرســـــــوم = لعد كلشي نهايه مــــن الله متحتمه
بالتالي ألأمر محـسوم لهـــــل البيت=مثل ما فـتح بيهم بيهـُم الخــتمــــــه
مثل ما فـتح بيهم بيهـُم الخــتمـــــــه
سيد كاظم الشرع
2014

[فهد الزيادي√]

الله الله عليك يامبدع صح لسانك