اليوم ارد اختبر صبرك
وانته صبري الي عرفته
راح اكلك سر جديد
صار يومين اكتشفته
من بعد صوتك حبيبي
رحل عني وما سمعته
كمت اسمعك بالقصايد
والكلب رد الغربته
كمت اكتبك بالجرايد
وسري بين اهلي فضحته
عرفو اسمك وعيني طلبت من ضياي اتشوف رسمك والكلب صبت دمعته
وكام يبجي ابصوت عالي
وسمعو الشمات ونته
وكام يكتب ذكرياته
والدموع اطيح وي احروف قصته
وانه دمعه وطحت من عين الزمان ابكاع بور وخظرت بالصبخه نبته
احرك ابروحي اعله كيفك
انه ابيع الدنيه كلهه ابنارك انته
ولو اجه وكت الحصاد
لمني بجفوفك رماد
وكول هذه الي حصدته
وكول هذه الي حصدته
راق لذائقتي
رد مع اقتباس
المشاركة الأصلية كتبت بواسطة أوراق شاعر
