درر العراق

~تناهيد~ · 9/February/2015

فتاة تزور قبر حبيبها...فطلب منها؟...
,,,قال,,,
لو متت واتعنيت الكبري اتزور
حط صدر اعله الكاع ماريد البخور
,,,قالت,,,
مو صدري احط الروح يم كبرك اتبات
تدري اليموت اهواه هم ينحسب مات
,,,قال,,,
صح ميت ورديت مابيه اعوفج
عفت القيامه وجيت خاطر اشوفج
,,,قالت,,,
ايدك اكظها شلون شوف ايدي اتلوب
تدري الصور شتفيد لو صار الغروب
,,,قال,,,
بسج شلعتي الروح خلصتي صبري
بس ساعه ربج كون يفتحلي كبري
,,,قالت,,,
من كبرك انته اتكوم وتمرني ساعه
من تخلص امشي وياك وبكل قناعه,,,