هنا

[فقار الكرخي]

يمته نلتم؟ طشرونه العدهم الله بس أسم
وعدهم القرآن ورقه مشخبطه بلايه رسم
حاسبينه ارماد مايتنفسون…
عناد شهگتهم نفخ…
وانته يالمالي حسبتك… شعجب وياهم صلح؟
هاي كفره.!! الورده تشرب ماي وتزاعل فلح
چاااان ينعد چن ?‏حمامه? بچتفي تتسله وتطير
وچان ينعد لگمه للماعنده بيت
ذوق واحساس وضمير…
چاااان يلگاني وطن لووو رد أسير
مافهمني.. الحفره لاتحسبهه بير..
وطاااار مني زاجل بطبع الغراب
العِشره بالفرگه تُعاب..
استوحشت دربي..؟ وآنه من أمشي أمااان
بس تعال ولاتجيني!!
أكرهك.. ياااانظر عيني!!
يالچنت.. هسه اشصرت ؟
رحت ليش اتقشمرت؟
غلطة العاشگ الفرگه… والصبر مفتاحه ملگه…
انته خليت الاجابه بلا سؤال
گتلي ميت بس عليك..صدگ ..ميت أحساسك فقط
شلون تقراهه المحبه چلمة بس بلا نقط؟
وزعوا واهس ثواب… أهداء للينطر حبيبه
من وصلني السره گالوا هو عافك..
وصارلي واهس اجيك
الباع روووحه… يااا سعر يرهم عليك؟
النده مسودن !!عاف خد الورده طاح على التراب
هاااا… الورده زلت… أووووو… چان دافعهه هوى
وطاحت سراب.
هيه قسمه وقسمتنه وچان ناتجنه الفراق
و‏نرجع ابسرعه إذا ‏رد? العراق ..

[زينب الشامي]

حلوووووو
عاشت الايادي

[علي الشمري]

حلووووو

[تّـفـاَصيلـٓ]

رًؤٌعّهّ تّالُقً طِرًحَ رًائعّ

[فقار الكرخي]

منورين

[ملكةه]

حلوه

[Ouija ']

بس تعال ولاتجيني!!

شكرا فقار