هنا

[فقار الكرخي]

يالمحمل ضحك بوجوه اليــــــــــــلاكوك
وتضحك مبتسم بس انــــــــــت تـعبان
ياشمعة محبه ويضوي بيــــــــها البيت
يالخمري بكلامك بي طعـــــــــم رمـان
يالساكن ابواب العطر لمــــــــــن تفـوح
ويالطافح وقارك بأي صــــــــــوب ومكان
ياباب العشكَـ والعشكَـ بــــي بس باب
واحد هو بيدك هـــــــــــــــــسه والجان
يالمطرز حنـــــــــــين وغافي بيك الليل
يابيــــــــــــــت السعاده الوفه بيه اركان
عشكت غير انسان اني وطلعت اهواك
وثاري اني بمحبتك صرت غير انســــان
وغنيت عله غيرك غنوه بيها الشــــــوك
اشتاكيت لضحكتك ضحكتك الــــــــحان
ارد احب انسان ثاني وانت ابـــــــــــوي
ومن حبيت انت الي طلعت فرحـــــــان
حرت اني بمحبتك حيرة العريــــــــــس
دخلته عله العروس تأجج البـــــــــركان
خليني عله كيفك مقتنع واهــــــــواك
ولو حبك حزن عاشق للاحـــــــــــــــزان
وهاي انه صرت واكبرت حد الشـــــــيب
وانت الضاوي بعدك ضوية العرســـــــان
دخليني عله حبك مقتنع واهــــــــواك
لا محبوبه اريد ولا اريد النــــــــــــــــاس
اضل اني طفل انتظر جيــــــــــــتك عيد
وتضل انت ابوي ورفعة الـــــــــــــــــراس



م

[sawsanmahmoud]

شعر رائع
تسلم يداك

[علي الشمري]

حلووو

[النقيب]

قصيده رائعه تسلم اخي

[warda]

جميل جدا

عاشت الايادي للانتقاء المميز

تقييم

[فقار الكرخي]

منورين

[أزهار نرجسية]

اشعارك حلوة بس المحيرني حرف م شنو معناه