بعد المن اكولن يا ورد شدَّه؟؟؟
شكد زغار جنا
و نلعب احنا هواي
لا نعرف تعب لا نحسب المدّة
و وحدة من اللعَب
جنت اني احبها هواي
وشدة يا ورد .. ياورد شدة
وإيد بإيد من جانوا يدورون
وجنت دومي اصير بنصهم الوردة
إيد بإيد جانوا ما يفهمون
بس كل المهم لِتلزمه متهدّه
وتبقى الوردة والباقي عليها يدور
مثل السور يحميها بشكل سدّة
من كبرت الوردة ما لكَت هالسور
ضلّت تنتظر بس راح وتبدّه
الايادي تفكّكت وانهدّت شلون!!
وما ضلت سُوى من ساعة الهدّه
كَمنا نصيح وين الوكت ودانا؟
وشنو جاب الوكت وشلون من ودَّه
أخَذ منا الزمن كل البراءة ليش؟
وكتل بينا الطفولة وفات وإتعدّة
وراحت لعبتي الحبيتها هواي
بعد المن اكولن يا ورد شدَّه؟؟؟
من اطفال جانوا لعبوا إيد بإيد
ومن جاني الحزن محد اجه يصده.
منقول
رد مع اقتباس
