ساعة الغفلة خساره
الفراسه اعتاد ,,,, وسلاح الحدس !!!
ساعة الغفلة خساره
صبحت جرح ودرس
وسعت باب التوقع
حته ليعود الامس
حته يوسف بالنهايه
سعره ماخلو بخس
ليلة النايم تندهه
اصحه باعوك بفلس
البقه غافي ويربعه
جفوفه تحركهن شمس
وانت عذرا للملامه
وكتك اليحكم شرس
بفكري تفتر المواقف
روحي مخنوكة نفس
ضاكت بصدري احسهه
بداري واتخيل حبس !!!
بارت انجوم الاماني
ومبتعد ثوب العرس !!!
جني برزخ للمتاهه
بيها ممنوع الهمس
طيبي للناس الشفتهه
ينكلب ضدي ابعكس
عفيه لوجوه الكباحه
عيني عينك بالندس
وكحه وامغامز نظرهه
غربه مابيهن ونس
للاسف بيهم اسامي
ماهوت الا اللبس !!!
الجميل
الشاعر فايق الكاطع حسن
رد مع اقتباس
