جيتك،،،
جيتك،،،
گلت يمكن ماتجيني
لوّعت گلبي وتلفتهه
بيك هالزايد حنيني
شلونك انته ،،،
علمتني بعشك بس حب وحنان
وآنه بس الضيم شفته
حركت عنديالگلب
وزيدت دكته
وانت وي الروح تمشي
وروحي،،،انته
انه لجلك هم سهرت الليل
وحته النوم عفته
گلت عاشرت الوفي
لاجن طلع طبعك غدر
وغلطان بحسابي الحسبته
وحمّلت نفسي ملامة شامت
وعاذل،،وحبك هم قبلته
وانته ،،،ضيعت العرف
ماجن عرفته،،،
موش لملمت الجروح
(وشوگي بين إجلاي جبته)
طعتك وگلت اليودني
هم بالعشك فلته،،،
منهو انته،،،
جيتك وبيدي ترس دموع
عيني وعله خدي الدمع
من فركاك هلته
وحته ضيم ألما كدرت عليه
تحملت انه وحملته
وصرت بين الناس مسودن عشگ
ومفضوحة قصته
وياحسرته،،،وَيَافشلته
من اجاك وكتله ماعرفك
وطردت الخايب طردته،،
منهو انته،،،،
قاسم الدوسري
رد مع اقتباس
