عاشت إيدك خنجرك محتاجه حيل..
عاشت إيدك خنجرك محتاجه حيل..
ظهري صاير كومه ماضايگ طعن..
حاله حال الگصبه مايتسمه ناي..
وشنهي لذة الناي إذا بطل يون..
تلگه ساعد مايرد الحگ حرام..
فرقه عن ساعد شهم كفة ردن..
تلگه واحد بالوزن كلش خفيف..
ومن يسولف بالثگل زخة مزن..
وغيره مايعرف يسولف بس عريض..
يعني هي الشغله مو شغلة سمن..
الوجه لو ماتوده إتصده حيل..
وتلگه غيره وبس يصد عنك تحن..
تلگه أسمر طوخ بس ينگط حﻻه..
إسوالفه شگد ترفه چن يعزف لحن..
خلقة الله وغيره ماتصرفله بال..
رغم ما أبيض وجه مثل ألگطن..
تلگه شاعر يقره بس يكتب زحاف..
وتلگه شاعر مسطره ويكتب وزن..
هي ترچيه القصيدة إبﻻ نقاش..
كشخة تبقه ومن صدگ تحتاج إذن..
علي السامرائي
رد مع اقتباس
