هنا

[فقار الكرخي]

العيد مجرم
لو بريئ چان فرحها اليتامه
ربي كون العيد لو مر
يطلع هلاله ( علي ) ع
إسمه للماعنده أب يصير ثوب
مو مثلنه أستغفر الله
هو وين
وإحنه وين
إحنه ناس نصيح كش لو شفنه طير يريد ماي
هـــو من چفوفه تنزل
تـشـرب إمَيَه الحمامه
العيد من دونك ( علي ) يكَسِر خواطر
وإنته ما ترضه بكسر خاطر فقير
مر علينه العيد جاي
إحنه عطشانين إلك منريد ماي
مر تعال وأسس إلنه بجيتك عيد الفقير
الله شاهد أمي تحيي
أستغفر الله
هسه أگلك راح أقنعك يالأمير
جدي من زوج أبوي
إنطا هدية
وهسه راح نزوج إبني وبفضل أمي الچبير
راح أقدمله الهدية
الحصلتها أمي بعرسها
پرده للباب و حصير
مر علينه العيد جاي
يا ( علي ) نريدك تجينه إنطينه عيدية صبرنه
بجيتك جيبلنه عيد
مو شرط راهي علينه خلي ضيگ
يا علينه
مر علينه
و قلل بجالك بچينه

يا علينه
العيد مجرم لو بريئ
چــان فرحها اليتامه




محمد البلداوي

[فاينمن]

شعر اکثر من رائع ...عاشت ایده الشاعر

وعاشت ایدک فقار ع النقل موضوع جمیل جدا

[الملاذ الاخير]

شعر جميل جداً

[علي الشمري]

عاشت الايادي
اكثر من رائع يافقار
اختيار موفق ياصديقي

العيد من دونك ( علي ) يكَسِر خواطر
وإنته ما ترضه بكسر خاطر فقير
مر علينه العيد جاي
إحنه عطشانين إلك منريد ماي
مر تعال وأسس إلنه بجيتك عيد الفقير

[صمت عاشق]

رووووعة
عاشت ايدك

[حسين الصياد]

اي والله العيد مجرم صدك عاشت ايدك حبيبي

[فقار الكرخي]

نورتوني