( يامسعده وبيتچ على الشط..وبّاب بيتچ يلعب البط )
يامسعده بيتچ خرب، ولا شط بقى يم بابه
حتى التشوفينه گبل يتناغه وي احبابه
راح وهجر ديرة هله ويأشر بسبّابه
لاتضل يم شطي نشف مابقى بس اترابه
المن بعد يابط تضل صيف وطلع خنيابه
صارت مثل ركضة أسد ومكوش على الغابه
ضلينه بس نهمس همس وينغك علينه غرابه
بياصوب اروح المن أجي،كلمن برزلي نيابه
عودني كمت اسمع حرب واغفى عل حس دبابه
ماكو دللول الولد لايمه لاحس بابا
خليتني عايش غلط وي روحي عندي طلابه
يامسعده شوفي الوگت عضني ويشلّي جلابه
راح الترف وي دجتچ وي گولت الحبابه(
يامسعده وبيتچ على الشط..وبّاب بيتچ يلعب البط) ومنين ماملتي غرفتي
بقلمي
13\8\2015
سيد ضياء
رد مع اقتباس
المشاركة الأصلية كتبت بواسطة مرام البسمه
.سيد ضياء في هذا الصباح ..هل حلمت بمسعده والهمتك هذه الترافه ..ام هي التي سعدت بتوسطها شواطئ حروفك العذبه...صحيح ان الشعراء في وديان الابداع يهيمون ..ولكن نحن هنا من اغرقتنا حروفك ايها الشجي حتى وصلنا اخر شهقه ..فصعدت اليك وبصوت الوداع غردت مااروعك ضياء ياابن شواطئ الجنوب ياابن العفويه والطيبه ادامك الله سبحانه تقبل مروري وباقة ورد
معطره بصباح الخير