صح احنا مختلفين يا دوه اجروحي♡
بس انت من تغيب تتكرني روحي♥
صح احنا مختلفين يا دوه اجروحي♡
بس انت من تغيب تتكرني روحي♥
هذا الدارمي لشعراء الديوانيه يكول
مغمض والضمه الخيط جي انه وياك
مو ببره لا بالباب ما الضممه بجفاك
بعد بيْه من امس كَضبة خضار آوماي ،
بعد بيْه للسوالف كسره من افياي ،
فَيْ آيفزز الميتين ،
فَيْ اخضر ورك مامات ،
خاطيته الشمس ، ما مات .
رفيف آمسودن آبكَلبي يدك : لا لا
وآعرك مستحه وآصحه وأكظ روحي ،
ادنج خيط كَمريه ولم روحي ،
وآجيك آمغبّش ،آمندّه بعرك كَصتي ،
وآطيح آكَبالك آمرايات .
عبد الكريم القصاب
بلا وميض ، الشوك مطفي ،
وآلتقينه ومدري ليش !
وآلتقينه وما لكَيتك .
اكَبال عيني وما لكَيتك .
موش ذاك آنت الكَبل وهمان .....
ظنيتك على آكَداري وهويتك .
خرزه خرزه الشوك طاح .
لرحمة الله الشوك راح .
وخيط مكَطوع بدمع عيني لكَيتك .
خيط أسود من كَلب شامت لكَيتك .
كون أدري بيك من عشيات تطفه ،
جان عاشرت الكَمر ، ماعاشريتك ،
عبد الكريم القصاب
ولك ، يل مو على الخاطر ،...
أحب آمرورتك بيّه .....
عبد الكريم القصاب
مــابطل مـــــحبتك يــالهمت بــيك
وكــلبي الحبك ومـا غيرك اخــتار
يالناسي العشك بـعيوني مر طيف
اريـد ويـاك اكشف كـــل الاسرار
وتشوف الكـلب وشجم جــرح بـي
ظـل باسمك يـون بي بـاقي بسمار
واريدك هم تمر لو لحظه بـالروح
وبـعينك تـشوف جــــــروح واثار
خيالك مـــــن غبت مـافارك العين
ماانسه السكن يم روحي اعز جار
تـــوالي الليل مـــر وفزز الــروح
علــى اليهواك ضيفه ابـليل خـطار
يالـطبعك مــزاجي تــحيرت بـــيك
كـــلي الياوكت ابـقه انـــه مـــحتار الله عليك
العشك موعيب صيته ولاحرام
بس كون التحبه بحب محدد
واذا حبيت عوف القيل والقال
وضل امشي بقناعه وامشي بجد
واذا تسمع بحرمه اعله اليحبون
بس جمله وحده عليهم ترد
تكلهم العاشك هو ابو الدين
لان الله بعظمته يحب محمد
تـوَّه نـدهـني الحــلم ....
توْني سمعت آعتاب
تـوّه الحنين آشـتـعـل ....
توْني صــرت عــطّاب
عبد الكريم القصاب
دوريني بكتر .... كل كتر عايش بيج
وذكري سوالفي وبالصدفة عديهن
دوريني بشمس .. نشفت روحي وياج
من رحتي بكفاج ايامي ابديهن
وما وشل جنت بس وشليت اعيون
طيفج هم نساني وما يمر بيهن
خلصت لخاطرج ولخاطرج خلصان
بقت بية سوالف كون حاجيهن
وسام
هوايه أچذب
من اگلكم شلّي بيكم
انتو نجمه بحضن غيمه
وآنه گاع شلون اجيكم