هنا

[محـمـد الـركابـي]

وحق الي ماوصل واحد مكانه
تدري شكد الك عندي مكانه
شلت كلبي وصرت انته مكانه
ونبض البيك أهو الشريان بيه
....
شعر بيني وبين نفسي .. كلامة روعه عجبتني ويارب تعجبكم

بيني وبين نفسي
اشگد افكر بيك
واگول اشمعنى انت.. الشاغل اضنوني
مو اول عشگ خاطر
تشل الحال
ولا اول جمال اتشوفك.. عيوني
****
شجاها الروح
يمك ذبت الاسرار
وليش ارجف عليك ..وينخطف لوني
وحتى الناس
گامت تعرف بهل الحال
وما اعرف.., شگلهم من يسألوني
يطبون بصفنتي
وعنك ايدورون
ويلگوني افكر بيك... يلگوني
****
وصاحت كلها صاحت
هذا هذا فلان
وما عندي لگوك.. وبيك تهموني
**
تهموني
بمحبتك والله لو يدرون
على ضيم العلي.. ايضل يواسوني
****
ما يدرون عايفني
بمهب الريح
وانه وياك.. عفت الما يعوفوني
****
يحبوني اشكثر
والجيتي ايتانون
واخجل من كثر ما گام... يتنوني

وانت الما تحبني
اشلون بالله وياك
امرن بيك...، ما امر باليحبوني
****
عفت الي شروني
ومن ارد اشلون
هم اسوة بعد... والنوب يشروني
حبيتك شجاني
وما حسبت احساب
خيعونك علي... مو انة خيعوني
****
متحبني.. واحبك..
والمصيبة انوب
اريدك وانهزم.. من اليريدون
****
ومن دونك صرت
ما اعيش وي الناس
وانت بكل سعاده... تعيش من دوني
باحزانك
اودي دموعي تبچي وياك
وبافراحك
ابد ماتذكر اسنوني
****
من سمعو اهلنة
العشگ دگ الباب
ما خلوك اهلك ...واهلي خلوني
ما خلوك اهلك
حگهم يخافون
بس اهلي المحبتك ..شلع باعوني

[بركان حبك ياعلي]

مشكور اخوي ينقل للقسم المناسب

[راهب]

هذا الشعر منشور بكل منتديات المجموعة الشمسية خوية
د اكتب عليه منقول

[علي الشمري]

شكرا