يامهدي والتمت علينه اجيوش اميه
وشعطلك ماجيت ويه اهل الحميه!
:::

واشلون أوصفلك مصايب صادفتنه
وبكربله وجيوش اميه الطوقتنه!
يامهدي لو ويانه ماظنك عفتنه
يامهدي لو ويانه ماظنك عفتنه
وتضحي هاي الروح لعيون الزجيه

::::::

والاكبر اكبال الحسين امكطعينه
والقاسم ابساعة زفافه امطبرينه
عريس وبدم النحر حنينه ادينه
عريس وبدم النحر حنينه ادينه
شحجيلك المأسات بأرض الغاضريه

:::::

يلمهدي والجفين تلكاهن كطيعه
ومطشرات اهناكه وبصف الشريعه
يلمهدي والعباس هالقصه فضيعه
يلمهدي والعباس هالقصه فضيعه
وانته الامام المنتظر لاهل البريه

:::

حته الرضيع الماسلم والله عجيبه
وانذبح وبذاك السهم سَكت نحيبه
وزينب سبيه وطاحت ابهاي المصيبه
وزينب سبيه وطاحت ابهاي المصيبه
واشلون ترضه عَمتك راحت سبيه؟
حسين الساعدي