مَدري زلزال وضربها الكوفه!!الشاعر حسين الساعدي
مَدري مسلم والقدر بجفوفه!
ومَدري زلزال وضربها الكوفه
ليش طوعه هلهلت وبدارها!
وليش والكوفه غريبه اخبارها؟
ياهو اليجيب الخبر ونشوفه؟
مدري زلزال وضربها الكوفه
::::::
ضجت الكوفه ولا عدنه عِلم
والزلم كامت تزَيد بالزلم
هذا يافارس اليصول وهجم
يشبه العباس شيال العَلم
والزلم من صولته مخطوفه
ومَدري زلزال وضربها الكوفه
::::::
هذا ياهو الصايل ابغيرة علي
وصايَح ابصوته يطوعه هلهلي
انه مسلم والفخر كله الهلي
وهالذبايح حصِتي وكلهم الي
والفخر النه وأبد منعوفه
ومَدري زلزال وضربها الكوفه
::::::
والسفاره اليوم تزهي ابغيرتك
ياسفير احسين شافو صولتك
ضربة الكرار جنها ضربتك
طَوقوك وانته ذاك ابهمتك
هاي وادم بالغدر موصوفه!
ومَدري زلزال وضربها الكوفه
:::::
وابو اليمه اعليك طاحت دمعته
وانته يا أول شهيد ابثورته
ياشهيد الدنيا تعرف قصته
والحوائج كلها تكضي ابعتبته
يأصيل الما ترك معروفه
ومَدري زلزال وضربها الكوفه
حسين الساعدي
رد مع اقتباس
روووعه