الشاعر هادي الدراجي قصيدة (قرأن ناطق) مكتوبة + مشاهدة واستماع 2015 HD
يقولون ان الزواج نصف الدين
وبعد ان اكتشفت ان نصف ديني اكتمل من غير الزواج
بسم الله وبسمك وأنتجي بلاخوف
وترة هاي الحجاية بصدري مكتومة
موقصدي الشرك لا من وحق طرواك
مجرد للخلك انطية معلومة
نص ديني علي وانطي الزواج كفاي
واليعاشر حضرتك روحة معصومة
علي قران ناطق مرتي تنطق بيش
علي طبت الجنان بجفة مختومة
علي يم باب بيتة تونس الجوعان
قدملة فطورة وماشبع صومة
الحبك من صدك خل يظمن الفدروس
ال يطش عينة على بابك والله مالومة
يالكافل يتامى وماكفلت كفاك
لذالك طبرتك سهلة على عدوانك
انت اول امام مخول على الدين
غيرك ياخليفة يصوله ميدانك
ياطبع النبوة ويا وجة معصوم
ملائكة السما يلوذون بيمانك
يالبجفك نقط خليت للقران
علي بيوم الحشر نتنخة قربانك
تفزع لوسمعت ال بالغرب جوعان
علي شتسوي اذا جوعان جيرانك
الاسلام على طولة تشيلة خمس اركان
وانت ثلاثة عشر شالنك أركانك
الحسن وحسين زينب وامهم وعباس
اليتامى والشجاعة وطيبة اللسانك
ذو الفقار خيبر طلعتك بليل
وطبرت راسك وذرية أحسانك
علي اليمشي على نهجك مايلوحة الخوف
علي ومن الله نازل بيك عرفانك
يا اعظم وجة وابسط نفس بالكون
امام الدنيا بس الفقر عنوانك
الشمس طفت ضواهة وردت بلا لون
اكراماً دنكت من عبرت اذانك
اعلن هل كلام بهيبتك مولاي
وتشهدلي اليتامى المه صيوانك
نص ديني علي ومامقتنع بالغير
الكعبة بكل شرف رافعته برهانك
بصيغة mp3
من هنا
رد مع اقتباس
تحياتي لك عاشت ألأيادي
المشاركة الأصلية كتبت بواسطة Diyaa Nawar
