هنا

[علي الشمري]

هذااااك انت...
الفطرت الكاع
نبع نعناع ومهيل
وهذا انه الربيت وياك
طين وماي... ما ينحل
خي عونه اليحوشك عود
تره الفلاح يخجل... مايحِد منجل
الورده الما تعطر البيت
يشتمها الهوه وتذبل
وآآآنه وروحي متعنيك
تقبل بينه... ما تقبل ؟
اذا تقبل ... تردلي الروح
خيوط اكليبي ...تتغزل
عود انته اقتنع... بس يوم
تشوف شصار ...وشيحصل
تشوف الما تشوفه العين
اعيشَك عِيشَة امعرسين
اغركك بالعشك مرتين
واطلعك واخذ امرادي
وآكِل كل رطب طيب
وافرشنك عله افادي
واشبع بالعنب والتين
صدك ... ما ينشبع منهن
واغار اعليك من ظلهن
انا بروحي سلف عطشان
چي فاكد حنان امي... ودفو الاحضان ...
تاليها طلعت بالطيف
ميت... وبحلم... سكران


للترف كلش
مرتضى الشيخ

[zeto]

مشكور على القصيدة حلوة
تسلم يا غالي
...................
تاليها طلعت بالطيف
ميت... وبحلم... سكران

[احمد العثمانيے]

خي عونه اليحوشك عود
تره الفلاح يخجل... مايحِد منجل

الله الله
مشكور على النقل أبو حسين

[ضياء الصافي]

الورده الما تعطر البيت
يشتمها الهوه وتذبل
...................
الله الله راقي

[علي الشمري]

مشكور على القصيدة حلوة
تسلم يا غالي
...................
تاليها طلعت بالطيف
ميت... وبحلم... سكران

انته السالم صديقي

[علي الشمري]

خي عونه اليحوشك عود
تره الفلاح يخجل... مايحِد منجل

الله الله
مشكور على النقل أبو حسين

خادمكم حمودي
خويه بالكوه اخذتهه منه

[علي الشمري]

الورده الما تعطر البيت
يشتمها الهوه وتذبل
...................
الله الله راقي

نورتني مولاي

[احمد محمد3]

روعة
فعلا جميلة

[علي الشمري]

روعة
فعلا جميلة

تواجدك الاجمل يا صديقي